+7 (701) 759 90 19
USD 412.10 EUR 454.34
RUB 5.82 CNY 57.62
Jańalyqtar

Ұлытауды заман талабына сай тарихи қорыққа айналдыру мемлекеттің маңызды міндеті - А. Смайыл

2009 жылғы 9 қыркүйек 14:47
Бөлісіңіз:

АСТАНА. Қыркүйектің 9-ы. ҚазАқпарат /Қанат Мәметқазыұлы/ - Ұлытауды заман талабына сай тарихи қорыққа айналдыру мемлекеттің маңызды міндеті. Бүгін ҚР Парламенті Мәжілісінің жалпы отырысында ҚР Мәдениет және ақпарат министріне жолдаған сауалында депутат Алдан Смайыл осындай мәселе көтерді,

деп хабарлайды ҚазАқпарат.

«Қазақ үшін қасиетті саналатын Ұлытаудың төңірегіндегі тарихи таңбалы тастарды қаз-қатар тізсеңіз 25 шақырымға созылады екен. Бүгінгі күні сол асыл қазынаны, дүбірлі дәуірлерден жеткен құнды мұраны қорғау мәселесі көпшілікті алаңдатады. «Ұлытауға барсам ғасырлармен тілдесемін», деп келіп-кеткен жұртшылық тастағы таңбаны тәбәрікке ала салса, тарихтың тәлімінен бейхабар жастар қолтаңбасын қалдырып, есіл дүниені бүлдіріп жіберген. Осының бәрі Ұлытаудай киеге білікті ие керек дегізеді», деді депутат.

Оның айтуынша, тарихи киелі жерді барлық жағынан қамтамасыз етілген, өз еліміздің де шетелдің де талабынан шығатын тарихи қорыққа айналдыру ұлттық және мемлекеттік маңызды міндет болып табылады. «Ұранды таудың осындай үміті - бізге жеткен қария тарихтың да үміті. Сол үмітті ақтаудың алғашқы қадамын Ұлытауға арнайы экспедиция ұйымдастырып, ондағы тарихи көне ескерткіштердің бүгінгі жай-күйін анықтаудан бастау керек. Көптің тілегі де осы», деді А. Смайыл.

Біздің каналымызға жазылыңыз:

Басты сөздер:
Бөлісіңіз:

Автор:

Қанат Мәметқазыұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT