+7 (701) 759 90 19 Лента
USD 386.70 EUR 427.15
RUB 6.06 CNY 54.57
Jańalyqtar

Ұлытауда Jezkiik этникалық музыка фестивалі өтті

2019 жылғы 25 тамыз 10:33
Бөлісіңіз:
Ұлытауда Jezkiik этникалық музыка фестивалі өтті

ҰЛЫТАУ. ҚазАқпарат – Ұлытауда Jezkıik ІІ халықаралық этникалық музыка фестивалі өтті. Оған мемлекет басшысы Қасым-Жомарт Тоқаев қатысты, деп хабарлайды ҚазАқпарат тілшісі.

Ұқсас жаңалықтар
Семейде Әмина Өмірзақованың 100 жылдығына арналған театр фестивалі басталды Ақтоты Райымқұлова мәдениет қызметкерлерінің жалақысы қаншаға өсетінін айтты Сәкен Сейфуллиннің 125 жылдығына арналған республикалық айтыс мәреге жетті

Фестиваль 22-24 тамызда Қарағанды облысы Ұлытау ауданында өтті. Ол «Рухани жаңғыру» бағдарламасы аясында ұйымдастырылды. Болатсай елді мекеніндегі қонақтар мен қатысушылар үшін төрт аймақтан құралған үлкен этноауыл тұрғызылды. Олардың арасындағы ең бастысы – Қазақстан Президенті барған музыкалық аймақ. Мұнда LED- экраны бар сахна орнатылды.



Шоу «Nomad Stunts» атқа мінуші-каскадерлік командасының қойылымымен басталды. Кейін сахнада «Тоқырауын толқындары» (Қазақстан), «Hassak» (Қазақстан), «Moresca Nova» (Италия), «Carmen Guerrero Flamenco» (Испания), «Serbian Abrasevic band» (Сербия), «Dunaj banda» (Венгрия) ансамбльдері өнер көрсетті.



Сондай-ақ, қонақтар үшін Айгүл Үлкенбаева, Жанғали Жүзбаев, Айгүл Қосанова, Ұлжан Байбосынова, айтыскерлер Аманжол Әлтаев мен Сара Тоқтамысова, шетелдік фольклорлық ансамбльдер ән шырқады. Фестиваль соңында Қарақат Әбілдина мен Қыдырәлі Болмановтың, «Ұлытау» тобының, «Дос Мұқасан» тобының, «Алтын батыр» степ-тобының, «Алатау серілері» тобының қатысуымен гала-концерт өтті.



«Керемет ұйымдастырылған. Бізге бәрінен бұрын фестивальдің табиғатта, арнайы құрылған ауылда өткені ұнады. Италияда біз мұндайды көрген жоқпыз. Біз ұлттық асханамен танысып үлгердік – ол өте ерекше. Мен домбыра тартып көргім келеді», - деді Италиядан келген музыкант Пьетро Маскиандаро.

Этноаймақта «Ұлы дала жаңғырығы» қолөнер шеберлерінің жұмысы қойылған. Фудаймақта қонақтар үшін ұлттық қазақ тағамдарын әзірлеу бойынша шеберлік сыныптары ұйымдастырылды.

«Бізге бүгін қазақ асханасынан бес тағам түрін әзірлеу тәсілін көрсетті. Негізгісі – барлық отбасыға арналған бидай көже. Бұл сусынға ет, сүт өнімдері мен дақылдар қосылады. Сондай-ақ, қарын көмбе, қарын бүрме, төңкерме әзірленді», - дейді ҚР Ұлттық музейі жанындағы «Халық қазынасы» ғылыми-зерттеу институты материалдық емес мәдени мұра бөлімінің басшысы Айгерім Мұсағайжинова.



Jezkiik этноауылында ұлттық спорт түрлерінен – асық ату, қол күрес, қазақша күрес, тоғызқұмалақтан жарыстар өткен спорттық аймақ жұмыс істеді.

Jezkiik фестивалі Қарағанды облысында екінші рет өтіп жатыр. Биыл оған 217 қатысушы жиналды.

Айта кетейік, осыған дейін Қарағанды облысында дәстүрлі Jezkiik фестивалі өтетіндігін хабарлағанбыз.






Автор: Агата Мухамеджанова

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT