Ұлыбритания премьер-министрі Тереза Мэй отставкаға кететінін хабарлады

БРЮССЕЛЬ. ҚазАқпарат - Ұлыбритания премьер-министрі Тереза Мэй 7 маусымда Консервативті партияның көшбасшысы қызметінен кетеді. Бұл жайлы ол жұма күнгі консерваторлар комитеті басшысымен кездесуден кейін мәлім етті, деп хабарлайды ҚазАқпараттың меншікті тілшісі.

«7 маусымнан бастап Консерватитвті партияның көшбасшысы қызметінен кететінімді хабарлаймын», - деді ол журналистерге берген сұхбатында.

Британ премьері Brexit-ті дамыту жолында қолынан келгеннің бәрін істегенін айтты.

«Мен парламент мүшелерін бұл келісімді қолдауға көндіру үшін бәрін жасадым, - деді ол. - Өкінішке қарай, қолымнан келмеді».

Автор: Тимур Дүйсекеев