Ұлыбритания ханшайымы Елизавета ІІ өміріне қастандықтың жолы кесілді - БАҚ
Басылымның жазуынша, лаңкестер ханшайымды жұма күні соғыстар мен қарулы жанжалдар кезінде қаза тапқандарға арналған Корольдік британдық легионды еске алу фестивалі барысында өлтірмек болған.
Қылмыскерлер ханшайымға Король Альберт-холында пышақ салуды көздеген, бұл ретте оларда мылтықтың болуы да жоққа шығарылмайды. Полиция 19 бен 27 жас аралығындағы төрт күдікті азаматты ұстады, сондай-ақ Лондонның батыс бөлігі мен Бакингемшир графтығында бірнеше рейд өткізді.
Күдіктілердің барлығы Лондон орталығындағы полиция бөлімшесіне жеткізіліп, сұралды. Лаңкестік әрекеттерді дайындауда күдікті адамдарды ұстау туралы ақпарат Скотланд-Ярдтың есеп беруінде хабарланады, алайда олардың ханшайымға қастандық жасауға дайындығы туралы ештеңе айтылмауда.
Елизавета II мен премьер-министр Дэвид Кэмерон бұл келеңсіз жағдай туралы ақпараттандырылған. Сонда да Букингем сарайында ханшайымның ресми шараларға қатысатындығы жайлы шешім қабылданды.