Ұлыбритания елшісі қазақ дәстүрі бойынша баланың тұсауын кесті

АСТАНА. ҚазАқпарат - Қазақстандағы Ұлыбритания елшісі Кэролин Браун қазақтың «тұсау кесер» дәстүріне қатысып Дәмелі атты қыз баланың тұсауын кесті.

Бұл туралы Қазақстандағы Ұлыбритания елшілігінің Фейсбуктағы парақшасында жария етілді.  

«Баланың тұсауын кескен адамның темпераменті балаға беріледі деп саналады, сондықтан бұл үшін балаға үлгі болатын адам таңдалады. Баланың өмір жолы жарқын болсын!», - делінген хабарламада.