Ұлыбритания босқын қабылдаудың жылдық квотасын бекітпекші

ЛОНДОН. ҚазАқпарат – Ұлыбритания Үкіметі жыл сайын елге келетін босқындардың лимитін белгілеуді ұсынды, деп хабарлайды ҚазАқпарат тілшісі.

Ресейдің ТАСС агентігінің мәліметі бойынша, Біріккен Королдіктің Ішкі істер министрі Суэлла Браверман, Британ паламентінің палатасында сөйлеген сөзінде осындай ұсыныс көтерген.

«Жаңа талап Ұлыбритания аумағына қауіпсіз әрі заңдастырылған маршрут бойынша жыл сайын келетін босқындардың лимитін парламенттің шешімі арқылы реттеуге мүмкіндік береді», - деген министр.