Валюта бағамдары:
    usd/kzt 478.01 eur/kzt 488.81

    rub/kzt 7.91 cny/kzt 70.76
Ауа райы:
Нұр-Сұлтан: 1 °С
Алматы: 15 °С

Ұлттық құрылтай құрамы қалай жасақталады

2022 жылғы 15 маусым 13:06

НҰР-СҰЛТАН. ҚазАқпарат – ҚР Мемлекеттік кеңесшісі Ерлан Қарин Ұлттық құрылтай құрамы қалай жасақталатынын айтты, деп хабарлайды ҚазАқпарат тілшісі.

«Ұлттық құрылтай – ел Президенті жанындағы консультативтік-кеңестік орган. Соған орай оның құрамына қатысты ұсынысты Мемлекет басшысының әкімшілігі дайындайды. Және де Ұлттық құрылтайдың отырыстарына тек Ұлттық құрылтай мүшелері ғана қатысады. Ұлттық құрылтай жұмысы қоғамдық бастамалар негізінде жүзеге асырылатынын атап өткен жөн. Сонымен қатар құрылтай жұмысына қатысушыларды ауыстырып отыру принципі қарастырылған. Бұл алдағы уақытта кезең-кезеңімен өзге де қоғам белсенділерін тартуға мүмкіндік береді», - деп жазды Мемлекеттік кеңесші Telegram парақшасында.

Сонымен қатар ол арнаулы онлайн-платформаның құрылғанын атап өтеді.

«Қазақстан азаматтары аталған платформа арқылы Ұлттық құрылтай хатшылығына ұсыныс жібере алады. Осылайша, Ұлттық құрылтай жаңарған Қазақстан құруға өз үлесін қосуға дайын азаматтардың жалпыұлттық бірігуінің өзегіне айналады», - деді Ерлан Қарин.

Бұған дейін Ерлан Қарин Ұлттық құрылтайдың не үшін құрылғанын түсіндірген еді.


Автор:

Марлан Жиембай

Новости по теме
Серіктестер жаңалықтары