USD 434.34 EUR 491.93
RUB 5.56 CNY 68.67
Jańalyqtar

Ұлттық қор жинақтау режимінен тұтыну режиміне өтті – Президент

2021 жылғы 10 шілде 21:49
Бөлісіңіз:
Ұлттық қор жинақтау режимінен тұтыну режиміне өтті – Президент

НҰР-СҰЛТАН. ҚазАқпарат – Мемлекет басшысы Қасым-Жомарт Тоқаев Ұлттық қордан республикалық бюджетке трансферт көлемі артқанын және шикізаттық емес кіріс көздерін іздеу қажеттігін айтты, деп хабарлайды ҚазАқпарат тілшісі.

Ұқсас жаңалықтар
Қазақстанның туризм қауымдастығы: Туризм барлық  шектеулердің салдарынан қатты зардап шекті Қасым-Жомарт Тоқаев Орталық Азия мен Қытай министрліктерінің консультациялық қызметін құруды ұсынды Қазақстан мен Қытайдың өзара тауар айналымы 17 млрд долларға жетті – Мемлекет басшысы

«Бүгінде Ұлттық қор жинақтау режимінен тұтыну режиміне өтті. Жыл сайын Ұлттық қордан республикалық бюджетке трансферт көлемі өсіп келеді. 2020 жылы ол бюджет кірісінің 40%-ын құрады. Биыл бұл көрсеткіш 36% болады», - деді Қ. Тоқаев.

Президент мемлекеттік міндеттемелер көлемі өсіп жатқанын еске салды – дағдарыс кезінде бұл сөзсіз болады. Орта мерзімді перспективада шикізаттық емес кіріс көздерін іздеу қажет.

«Қазіргі уақытта экспорттық кедендік баждар тек мұнай мен мұнай өнімдеріне ғана белгіленген. Бірқатар басқа шикізат пен аралық тауарларға баға конъюнктурасы жақсарды. Үкіметке экспорттық кедендік баждар қолданылуы мүмкін тауарлардың тізбесін кеңейту мүмкіндігін талдау тапсырылады. Бұл ішкі нарыққа жеткізілімдерді ынталандыруы мүмкін. Яғни құрылыс материалдарының бағасы мәселесін, өңдеу өнеркәсібін қолжетімді шикізатпен жүктеу мәселесін шешуге көмектеседі. Ұсыныстар мен есептеріңізді дайындаңыздар, содан кейін нақты шешім қабылданады», - деді Қасым-Жомарт Тоқаев.

Айта кетейік, Мемлекет басшысы Қасым-Жомарт Тоқаевтың төрағалымен Үкіметтің кеңейтілген отырысы өтті. Президент сөзінің толық мәтінін мына сілтемеден оқуға болады.


Біздің каналымызға жазылыңыз:

Бөлісіңіз:

Автор:

Айжан Серікжанқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT