USD 434.34 EUR 491.93
RUB 5.56 CNY 68.67
Jańalyqtar

Ұлттық кеңес Президенттің жаңа реформалар жоспарын қолдайды: Талғат Қалиев депутаттар мен шенеуніктердің еңбекақысын көтерудегі мораторий туралы пікір білдірді

2022 жылғы 13 қаңтар 17:00
Бөлісіңіз:
Ұлттық кеңес Президенттің жаңа реформалар жоспарын қолдайды: Талғат Қалиев депутаттар мен шенеуніктердің еңбекақысын көтерудегі мораторий туралы пікір білдірді

НҰР-СҰЛТАН. ҚазАқпарат – Қолданбалы этносаяси зерттеулер институтының директоры Талғат Қалиев депутаттар мен шенеуніктердің еңбекақысын көтеруге бес жылдық мораторий туралы пікір білдірді, деп хабарлайды ҚазАқпарат.

Ұқсас жаңалықтар

«Бүгінде байлар мен кедейлердің арасында, жоғары және төмен жалақы алатындар арасында алшақтық бар. Менің ойымша, Президент Қасым-Жомарт Тоқаев бұл шешімді этикалық тұрғыдан қабылдады. Жалақысы өте төмен мамандықтар бар кезде министрлердің тым жоғары жалақы алуға және оны тұрақты түрде көтеріп отыруға құқығы жоқ. Бұл шешім осы олқылықты жою мақсатында қабылданды», - деді Т. Қалиев Нұр-Сұлтандағы Ұлттық қоғамдық сенім кеңесі мүшелерінің отырысынан кейін тілшілерге берген сұхбатында.

Сонымен бірге, Т. Қалиев бұл мораторийдің қарапайым мемлекеттік қызметшілерге қатысты болмауы керегін, олардың жалақысын көтеріп, дарынды басшылар үшін сыйлықтар мен бонустар жүйесін қарастыруды айтты.

«Егер олар өз салаларында айтарлықтай өзгерістерге қол жеткізе алса, онда халық бұл талантты басшылардың бонустар алуына қарсы болмайды, ал егер ештеңені іске асыра алмаса, онда марапат пен бонус берудің де жөні жоқ», - деді ол.

Талғат Қалиев халықты Премьер-министрлердің де, министрлердің де жеке басы алаңдатпауы керек деген пікір білдірді.

«Халыққа өзін-өзі танытуға, бизнеспен айналысуға, еңбек ету құқығын іске асыруға барлық жағдай жасалуы тиіс, қолайлы бағалар мен жалақының қолайлы деңгейі болуы керек», - деді сарапшы.

Еске сала кетсек, Мемлекет басшысы Қасым-Жомарт Тоқаев Мәжілістің жалпы отырысында депутаттар мен әкімдердің еңбекақысын көтеруге бес жылдық мораторий жариялады.



Біздің каналымызға жазылыңыз:

Бөлісіңіз:

Автор:

Айжан Серікжанқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT