Ұлттық экономика министрлігіне қосымша міндет жүктеледі
Құжатта көрсетілгендей, енді ведомствоға мына функция беріледі:
- бірыңғай төлемді, бірыңғай төлем бойынша өсімпұлды төлеу, аудару және оны жеке табыс салығы мен әлеуметтік төлемдер (міндетті кәсіптік зейнетақы жарналарын қоспағанда) түрінде бөлу, сондай-ақ оларды қайтару қағидаларын келісу.
«Салық кодексінің 776-4-бабының 6-тармағына сәйкес, бірыңғай төлемді, бірыңғай төлем бойынша өсімпұлды төлеу, аудару және оны жеке табыс салығы мен әлеуметтік төлемдер (міндетті кәсіби зейнетақы жарналарын қоспағанда), өсімпұл түрінде бөлу, сондай-ақ оларды қайтару ҚР Ұлттық банкі, уәкілетті органмен, сондай-ақ мемлекеттік жоспарлау жөніндегі, денсаулық сақтау саласындағы және цифрлық даму саласындағы уәкілетті мемлекеттік органдармен келісу бойынша әлеуметтік қамсыздандыру саласындағы уәкілетті мемлекеттік орган айқындайтын тәртіппен жүзеге асырылады», - деп түсіндірме берілген Үкімет қаулысының жобасына.
Құжат 3 мамырға дейін көпшілік талқылауда болады.
Қоса кетсек, бұған дейін Төтенше жағдайлар министрлігіне бірқатар қосымша құзырет берілуі мүмкін екенін жазып едік.