+7 (701) 759 90 19
USD 380.84 EUR 419.50
RUB 6.05 CNY 54.90
Jańalyqtar

Ұлттық буржуазия әлеуметтік қамтамасыз етуге белсене қатысуы тиіс – Мемлекет басшысы

2020 жылғы 15 қаңтар 14:44
Бөлісіңіз:
Ұлттық буржуазия әлеуметтік қамтамасыз етуге белсене қатысуы тиіс – Мемлекет басшысы

НҰР-СҰЛТАН. ҚазАқпарат – Ұлттық буржуазия әлеуметтік қамтамасыз етуге белсене қатысуы тиіс. Бұл туралы Ақордада Президенттің кадр резервіне енген жастармен кездесуде Мемлекет басшысы Қасым-Жомарт Тоқаев айтты, деп хабарлайды ҚазАқпарат тілшісі.

«Біз мемлекеттің әлеуметтік саясатының оңтайлы моделін іздеп жатырмыз. Барынша өзектісі атаулы әлеуметтік көмек мәселелері саналады. Ол барынша өткір, қоғамымызда айтарлықтай жиі көтеріледі. Мемлекет шын мәнінде мұқтаждарға көмектесуі керек. Адамдарды орындалмайтын дәмеге қамшылауға болмайды. Бұл жол тұйыққа тірейді», - деді Мемлекет басшысы.

Қасым-Жомарт Тоқаев ел Үкіметі кірісіне қарамастан барлық көпбалалы отбасыларға жәрдемақы төлейтіндігін айтты.

«Бұған қоса, аз қамтылған отбасылардың барлық баласы кепілдендірілген әлеуметтік пакет алатын болады. Мектеп жасына дейінгі балалар азық-түлік жинытығы мен ең бірінші қажетті өзге де заттарды алады. Аз қамтылған отбасыдан шыққан мектеп оқушылары үшін тегін ыстық тамақ, сабаққа барып-қайту жолақысы, мектеп формасы, қажетті құрал-жабдықтар беріледі. Мұның барлығы мемлекет есебінен екендігі түсінікті. Ұлттық буржуазия деп аталатын отандық бизнесмендер де бізге қолдау білдіргенін қалаймыз», - деді Қазақстан Президенті.

Мемлекет басшысы мұндай тәжірибенің Финляндия, Швеция, Чехия, Эстония сынды еуропалық елдерде бар екендігін атап өтті.

«Ол жақта кәсіпкерлер әлеуметтік қамтамасыз етуге белсене араласады. 2017 жылдан бастап Нью-Йоркте мемлекеттік көпшілікке арналған мектептердің барлық оқушыларына тегін түскі ас беріледі. Бұл миллионнан астам баланы қамтиды. БҰҰ бүкіләлемдік азық-түлік бағдарламасының бағалауына сәйкес, оқушының тамағына жұмсалған әрбір 1 доллардың 3, тіпті кейде 10 есеге дейін қайтарымы болады. Бизнес өкілдерінің, меценаттар мен демеушілердің көмегімен бұл міндетті шеше алатындығымызға сенімдімін», - деді Қасым-Жомарт Кемелұлы.


Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT