+7 (701) 759 90 19
USD 425.73 EUR 498.32
RUB 5.8 CNY 65.85
Jańalyqtar

Ұлттық банк жылдық инфляция деңгейін 8-8,5 пайызға дейін болжап отыр

2009 жылғы 22 қыркүйек 16:37
Бөлісіңіз:

АСТАНА. Қыркүйектің 22-сі. ҚазАқпарат /Қанат Мәметқазыұлы/ -ҚР Ұлттық банкі жылдық инфляция деңгейін 8-8,5 пайызға дейін төмендетіп болжап отыр.

Бұл туралы бүгін ҚР Парламенті Сенаты Қаржы және бюджет комитетіндегі кездесу барысында ҚР Ұлттық Банкі төрағасының орынбасары Бисенғали Тәжіяқов мәлім етті, деп хабарлайды ҚазАқпарат.

«Ұлттық банкі туралы» заңға сәйкес, біздің негізгі атқаратын міндетіміз инфляцияның тұрақтылығын сақтау мен бағаны қалыпты ұстап тұру болып табылады. 2007 жылдан бастап есепке алғанда бүгінгі күнгі инфляция деңгейі 6,9 пайызды құрап отыр. Атап айтқанда, ағымдағы жылдың тамыз айындағы жылдық инфляция деңгейі 6,2 пайызды құрады. Бұл өткен жылдың желтоқсан айына қарағанда 1,5 есе, 2008 жылдың тамызына қарағанда 3 есеге төмен көрсеткіш. 2009 жылғы қаңтар-тамыз айларында инфляция 4,3 пайызды құрады, өткен жылдың дәл осы кезеңдегі көрсеткіші 7,5 пайызды көрсеткен болатын. Осыған орай, біз жыл басында ағымдағы жылғы инфляция болжамын шамамен 9-10 пайыз деп қарастырсақ, алғашқы жарты жылдық қорытындысына сәйкес, болжамдық көрсеткішімізді 8-8,5 пайыз деңгейінде қайта айқындап отырмыз», деді Б. Тәжіяқов.

Біздің каналымызға жазылыңыз:

Бөлісіңіз:

Автор:

Қанат Мәметқазыұлы

Пікір қалдыру
+7
Жіберу
Сондай-ақ... оқыңыз
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT