+7 (701) 759 90 19
USD 425.59 EUR 505.43
RUB 5.61 CNY 64.83
Jańalyqtar

Ұлттық банк теңге бағамындағы ахуалға қатысты түсінік берді

2020 жылғы 28 қыркүйек 12:42
Бөлісіңіз:
Ұлттық банк теңге бағамындағы ахуалға қатысты түсінік берді

НҰР-СҰЛТАН. ҚазАқпарат – Теңгенің АҚШ долларына шаққандағы бағамы 28 қыркүйекте сауда-саттықтың ашылуында 0,38%-ға әлсіреп, 428,20 теңгені құрады. ҚР Ұлттық банкі теңге бағамындағы ахуалға қатысты пікір білдірді, деп хабарлайды ҚазАқпарат.

«Жаһандық нарықтардағы доллардың нығаюына байланысты бүгін біз ұлттық валютаның біршама әлсіреуін байқап жатырмыз. АҚШ долларының индексі коронавирустың екінші рет қайталануына байланысты қауіптің күшеюі аясында, сондай-ақ АҚШ-та алдағы уақытта болатын Президет сайлауына байланысты негізгі әлемдік валюталар қоржынына қарсы нығайып, екі айдағы шарықтау шегіне жетті. ХВҚ өкілдерінің айтуынша, коронавирус пандемиясына байланысты дағдарыс ұзағырақ жалғасады және кейбір елдердің экономикасындағы өсімге қайта оралу үшін жылдар қажет болады. Еуропада коронавирустың екінші рет қайталануы туралы үрейлену және шектеу шараларын енгізу де долларға қолдау көрсетеді», - деді Ұлттық банктің монетарлық операциялар департаментінің директоры Нұржан Тұрсынханов.

Департамент директорының айтуынша, доллар индексінің өсуі мұнай бағасының төмендеуіне себеп болды.

«Бейсенбі және жұма күндері сауда-саттықта мұнай бағасын белгілеу әлсіз қалпына келуіне қарамастан, қара алтын бағасының апталық үрдісі теріс аймақта – минус 2,9% болып қалып отыр. Сонымен қатар, мұнайға сұраныстың өсу перспективасы COVID-19 жағдайларының жаңа өсуі және бірқатар елдерде шектеу шараларын енгізу аясында күмәнді болып қалуда», - деп толықтырды ол.
Біздің каналымызға жазылыңыз:

Бөлісіңіз:

Автор:

Руслан Ғаббасов

Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT