USD 434.84 EUR 498.2
RUB 5.72 CNY 68.47
Jańalyqtar

Ұлттық банк: Азық-түлік бағасы тұрақтағанымен, жанармай бағасы қымбаттады

2021 жылғы 6 желтоқсан 17:15
Бөлісіңіз:
Ұлттық банк: Азық-түлік бағасы тұрақтағанымен, жанармай бағасы қымбаттады

НҰР-СҰЛТАН. ҚазАқпарат – Қараша айында азық-түліктің қымбаттауы тежеліп, жанармай мен отын бағасы өрши түскен. Ұлттық банктің базалық мөлшерлеме туралы берген түсініктемесінде осындай мәлімет айтылған, деп хабарлайды ҚазАқпарат тілшісі.

Ұқсас жаңалықтар
Шымкентте азық-түлік бағасына бақылау күшейтілді Жекелеген тауар бағасы көтерілгенде шекті бағаларды әкімшілік бекіту құралы қолданылады - Сұлтанов Бәсекелестікті қорғау агенттігінің call-орталығына 3 күнде 1 мыңнан астам өтініш түсті

«Қазақстандағы жылдық инфляция аздап баяулап, қазан айындағы 8,9%-бен салыстырғанда 8,7% болды. Бұл серпін азық-түлік бағасы өсімінің 11,3%-дан 10,9%-ға дейін және ақылы қызметтерде 6,9%-дан 6,4%-ға дейін баяулауына байланысты болды. Бұл ретте қарашада нан-тоқаш өнімдері мен жарма, ет өнімдері бағасының өсуі жалғасты. Оған өндірушілер шығындарының ұлғаю түрткі болды», - деп жазылған Ұлттық банк мәліметінде.

Банктың талдауына сүйенсек, азық-түлікке жатпайтын тауарлардың бағасы қымбаттай түскен.

«Қарашада жанар-жағар май, қатты отын бағасы өсуінің жалғасуы салдарынан азық-түлікке жатпайтын тауарлардың жылдық инфляциясы 7,8%-дан 8,3%-ға дейін жеделдеді. Жанар-жағар майдың тұтыну бағасын жылдық өлшемде 22,3% болды. Бензин құны 18,4%-ға, дизель бағасы 46,6%-ға өсті. Отынның қымбаттауы өндірушілер бағасының өсуі жағдайында орын алып отыр», - деп топшылайды Ұлттық банк мамандары.

Ұлттық банк дерегі бойынша, ақылы қызметтер бағасының жылдық өсу қарқыны сәл баяулап, жылдық мөлшерде 6,4% болған. Яғни, коммуналдық қызметтер, тамақтану орындары мен шаштараздардың қызметтеріне деген сұраныс сәл азайған. Ал тұрғын үйді жалға алу тарифтерінің өсуі жеделдей түскен.

Айта кетейік, Ұлттық банк базалық мөлшерлемені 9,75% деңгейінде өзгеріссіз қалдырғанын мәлімдеді.


Біздің каналымызға жазылыңыз:

Бөлісіңіз:

Автор:

Есімжан Нақтыбай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT