Ұлттық ат спорты: «Ұлы дала рухы» фестиваліне іріктеу өтті
Қазанат ипподромында Спортшылар «Жамбы ату» мен «Теңге ілуден» бақ сынады. Фестиваль ертең де жалғасып, аударыспақтан сайыс өтеді. Екі күнге жалғасатын додаға жалпы саны 40-тан аса спортшы қатысады. Іріктеу сайысының жеңімпаздары 2-ші кезеңге жолдама алады. Ал ақтық бәсеке 11-16 қыркүйек аралығында Астанада өтеді.
Айта кетейік, 4 шілдеде басталған фестиваль екі жарым айға созылады. Оған республика бойынша мыңнан астам спортшы қатыспақ.
«Бүгінде «Ұлы дала рухы» ұлттық фестиваліне 8 спорт түрі кіріп отыр. Бұл үлкен жетістік. Бүгінде әр спорт түрінің өзінің ережесі бекітілген. Бағдарламасы бар. Яғни ереже нақты мемлекет тарапынан бекітіліп отырғаннан кейін бұнын ары-қарай дамуына үлкен жол ашылады деген сөз», - деді Ұлттық ат спорты түрлері орталығының директоры Нұрсұлтан Ибрагимов.