Украиндық бапкер Нұрсұлтан Назарбаевқа арнайы кубокты тапсырды
«Күрестен еңбек сіңірген бапкер Лев Ежевский өзінің шәкірті Нұрсұлтан Назарбаевқа арнайы кубок тапсыру үшін Украинадан Қазақстан халқы Ассамблеясының сессиясына келіп қатысты», - деп жазды твиттерде Тұңғыш Президент - Елбасының баспасөз хатшысы Айдос Үкібай.
Еске сала кетсек, елордада ҚР Тұңғыш Президенті - Елбасы, Қазақстан халқы Ассамблеясының Төрағасы Нұрсұлтан Назарбаевтың төрағалығымен Қазақстан халқы Ассамблеясының XXVII сессиясы өтті.
Бейбітшілік және келісім сарайында өткен сессияға 1 500-ден астам адам жиналды. Олардың ішінде бүкіл өңірлерден келген Ассамблея мүшелері мен ардагерлері, республикалық және өңірлік этномәдени бірлестіктердің төрағалары, Парламент депутаттары, орталық атқарушы органдардың, саяси партиялардың, діни бірлестіктердің, үкіметтік емес ұйымдардың басшылары, жоғары оқу орындарының ректорлары, шет мемлекеттердің дипломатиялық миссияларының, ғылыми, шығармашыл зиялы қауым және БАҚ өкілдері болды.