Украинаны азат етуге қатыстан қазақстандық майдангердің сүйегі елге жеткізілді
Соғыстан қаза тапқан отандасымыздың сүйегін туған жерге әкелуге ұйытқы болған еліміздің Қорғаныс министрлігі. Жауынгер Өксікбай Базарбаевтың сүйегі Қазақстанға жеткізілгені туралы да аталған ведомство хабарлады.
«Екінші дүниежүзілік соғысы кезінде шейіт болған гвардия лейтенанты Өксікбай Базарбаевтың сүйегі Қазақстанға жеткізілді. Офицер атқыштар взводының командирі болып, Укранинаны азат ету жолында қаза тапқан. 76 жыл өткен соң жауынгердің сүйегі әскери рәсімді сақтай отырып туған жерінде қайта жерленеді», - деп айтылды министрлікте өткен баспасөз мәслихатында.
Сондай-ақ, брифингте еліміздегі резервтегі әскери қызмет шарасы сөз болды.
Өз кезегінде ҚР Қорғаныс министрлігі Ұйымдастыру-жұмылдыру жұмыстары департаментінің өкілі, подполковник Бейбіт Сүлейменов аталған әскери шараның не үшін ұйымдастырылатынын айтып берді.
Одан бөлек, министрлік өкілі Қазақстанда резервтегі әскери қызметкерлерге жалақы төлене ме деген сұраққа жауап берді.