Украина билігі Қазақстанға іздеудегі адамды қайтарды

АЛМАТЫ. ҚазАқпарат - Алматы прокуратурасының қызметкерлері мен ҚР ІІМ және Украина ішкі істер министрлігі Интерполымен қылмыстық жауапқа тарту үшін Тәжікстан азаматы Умар Нумоновты Қазақстанға қайтарды, деп хабарлайды ҚазАқпарат тілшсі.

Ұсталған ер адамға алаяқтық жасап, 80 млн теңге жымқырды деген айып тағылып отыр.

Ер адам Қазақстанда қылмыс жасап, құқық қорғау органдарынан қашып, шетел асып кеткен.

Осылайша оған халықаралық іздеу жарияланды.

Украина бас прокуратурасы Қазақстанның қылмыскерді қайтару туралы арызын қанағаттандырды.

Қазір күдікті Алматыдағы тергеу изоляторында отыр.