Қолданушы баптаулары
Қолданушы баптаулары
+7 (701) 759 90 19 Лента
Астана: 3 °С
Алматы: 5 °С
USD 326.00 EUR 382.20
RUB 5.29 CNY 51.05
Жаңалықтар

Үкіметте «Kazakh Invest» ҰК-ның 2018 жылға арналған жұмыс жоспары қаралды

2018 жылғы 15 ақпан 19:34 891
Бөлісіңіз:
Үкіметте «Kazakh Invest» ҰК-ның 2018 жылға арналған жұмыс жоспары қаралды

АСТАНА. ҚазАқпарат - Бүгін Үкімет үйінде Қазақстан Республикасы Премьер-Министрі Бақытжан Сағынтаевтың төрағалығымен «Kazakh Invest» Ұлттық компаниясы» АҚ Директорлар кеңесінің отырысы өтті, деп хабарланды primeminister.kz сайтында.

Ұқсас жаңалықтар
Елжан Біртанов Женевада Дүниежүзілік денсаулық сақтау ассамблеясында сөз сөйледі Бақытжан Сағынтаев «ИТП» ДКҚ Басқару комитетінің отырысын өткізді

Отырыс барысында «Kazakh Invest» ҰК» АҚ-ның 2018 жылға арналған жұмыс жоспары қаралды, сондай-ақ «Ұлттық инвестициялық стратегия» бағдарламасы аясында инвесторларды тарту бойынша компанияның қызметін жетілдіру мәселелері талқыланды.

Мемлекет басшысының АҚШ, БАӘ, Жапония, Оңтүстік Корея, Қытай, Түркия және басқа елдерге сапарларының қорытындысы бойынша қол жеткізілген келісімдерді іске асыруға басымдық беріледі.

Осы мақсатта «Kazakh Invest» ҰК» АҚ Компанияның бес басымдықты елде қатысуын күшейтеді: АҚШ, Қытай, Германия, Франция және Түркия, онда шетел инвестицияларын тартуда көпжылдық тәжірибесі және баратын елдердегі бизнес қауымдастықтармен тығыз байланыстары бар атақты бизнесмендер жұмысқа тартылған.

Сонымен қатар, Қазақстанның инвестициялық ахуалын одан әрі жақсарту үшін елдің инвестициялық ахуалына қанағаттану деңгейіне мониторинг жүргізу және оны жетілдіру бойынша ұсыныстар жасау жүйесі қалыптастырылды.

Бұдан өзге, отырысқа қатысушылар ұйымдастырушылық сипаттағы бірқатар мәселелерді талқылады. Компания құрылымын оңтайландыру туралы шешім қабылданды - басқарушы құрамның саны 2 еседен аса қысқарды, департаменттердің саны 2 есеге азайды, «Kazakh Invest» ҰК» АҚ штатының жалпы саны 10%-ға азайды.

Анықтама: «Kazakh Invest» ұлттық компаниясы Мемлекет басшысы Н. Назарбаевтың тапсырмасымен «Kaznex Invest» Экспорт және инвестициялар жөніндегі ұлттық агенттігінің базасында құрылды. Алға қойылған міндеттерге сәйкес Kazakh Invest ҚР Үкіметі атынан ірі инвесторлармен және мақсатты трансұлттық компаниялармен бірегей келіссөз жүргізуші ретінде әрекет етуі тиіс.

 

 


Бөлісіңіз:
Онлайн қызметкерлер
Редактор
Айдар Оспаналиев
Айдар Оспаналиев
954-059
Мұрағат