Қолданушы баптаулары
Қолданушы баптаулары
+7 (701) 759 90 19 Лента
USD 379.36 EUR 424.47
RUB 5.88 CNY 54.95
Jańalyqtar

Үкімет сайлауға жұмсалатын қаржының нақты сомасын жариялады

2019 жылғы 16 сәуір 11:36 949
Бөлісіңіз:
Үкімет сайлауға жұмсалатын қаржының нақты сомасын жариялады

НҰР-СҰЛТАН. ҚазАқпарат - ҚР Премьер-Министрінің орынбасары - Қаржы министрі Әлиxан Смайылов президенттік сайлауға жұмсалатын қаржының нақты сомасын атады, деп xабарлайды ҚазАқпарат тілшісі.

Ұқсас жаңалықтар
Сайлау-2019: Кандидаттардың телевизиялық пікірталасына 41 млн теңге жұмсалады ҚР ОСК 123 шетелдік байқаушыны аккредиттеді

"Министрлер кабинетінің бүгінгі отырысында біз Үкіметтің резервінен сайлауды өткізуге 9,4 миллиард теңгені бөлуге шешім қабылдадық. Аталған қаражат республика бойынша ашылатын 10 мыңға жуық сайлау учаскесінің жұмысын ұйымдастыруға жұмсалады. Ол жерлерде 70 мыңға жуық адам істейді. Әрине, ол қаржының басым бөлігі сайлау учаскелерінде жұмыс істейтін адамдардың жалақысына бағытталады", - деді Ә.Смайылов

Оның айтуынша, бастапқы сома аймақтардан түскен тапсырыстардың негізінде жасалған болатын. Артынан Үкімет әрбір аймақта ашылатын сайлау учаскелері мен ол жерде жұмыс істейтін адамдардың санын нақтылады.

"Сөйтіп, 9,4 миллиард теңге көлеміндегі соманы шығардық", - деп атап көрсетті Ә.Смайылов.

Айта кетейік, Үкіметтің бүгінгі отырысында  ҚР Премьер-Министрі Асқар Мамин негізгі капиталға салынатын инвестициялар бойынша жұмысты күшейтуді тапсырды.

Алдағы уақытта Үкімет шетелдік инвестицияларды тартудың жаңа тәсілдерін талқылайды.

Ал "Самұрық-Қазына" қорының басшысы Аxметжан Есімов шетелде қордың активтеріне арест салу мәселесін көтерді.

 

 

Біздің каналымызға жазылыңыз:

Бөлісіңіз:

Автор:

Арман Асқаров

Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
MURAǴAT