+7 (701) 759 90 19
USD 389.52 EUR 429.21
RUB 6.07 CNY 54.94
Jańalyqtar

Үкімет делегациясы Алматыдағы жаңа әлеуметтік саясаттың іске асырылуы барысымен танысты

2019 жылғы 26 сәуір 16:43
Бөлісіңіз:
Үкімет делегациясы Алматыдағы жаңа әлеуметтік саясаттың іске асырылуы барысымен танысты

АЛМАТЫ. ҚазАқпарат - Бүгін ҚР Премьер-Министрінің орынбасары Гүлшара Әбдіқалықованың жетекшілігімен жұмыс тобы Алматы қаласында өз жұмысын жалғастырды, деп хабарлайды ҚазАқпарат.

Түске дейін Вице-премьер, Еңбек және халықты әлеуметтік қорғау министрі, қала әкімі «Бақытты отбасы» және «Белсенді ұзақ өмір» Жол карталарының іске асырылуы жөнінде кеңес өткізді.

Елбасы Н.Ә. Назарбаевтың тапсырмасы бойынша елімізде жаңа әлеуметтік саясат іске асырылуда. Басты міндет - азаматтарымыздың өмір сүру сапасы мен әл-ауқатын арттыру.

Бүгінде қалада көпбалалы аналар мен қарт адамдарды қолдауға бағытталған «Бақытты отбасы» және «Белсенді ұзақ өмір» жол карталары іске асырылып жатыр. 13 шара қарастырылған Жол картасы бекітілді. «Бір терезе» принципі бойынша құрылған «Бақытты отбасы» орталығы ашылуда. Онда заңгерлер, психологтар, жаттықтырушылар және т.б. жұмыс істейтін болады.
null

«Бақытты отбасы» қайырымдылық қоры құрылып, меценаттар мен жұртшылықтың арқасында 131 млн теңгеден астам қаражат жиналды. 1 мыңнан астам отбасына материалдық көмек көрсетілді.

Алматы елімізде алғаш болып «Бақытты отбасы» жеңілдетілген тұрғын үй бағдарламасын іске қосты. Мамыр айының өзінде 30 отбасын баспанамен қамтамасыз ету жоспарланып отыр. Қазіргі әлеуметтік төлемдердің мөлшері өсті. Атап айтқанда, қиын жағдайға тап болған азаматтарға берілетін бір жолғы әлеуметтік көмек 10 айлық есептік көрсеткіштен (25 250 теңге) 20 айлық есептік көрсеткішке дейін (50 500 теңге) көбейді. Бұл шара 10 мыңнан астам отбасыны қамтиды.

Содан кейін Г. Әбдіқалықова және Б. Сапарбаев аудандардың әкімдерімен, ірі кәсіпорындардың, бизнес-құрылымдар мен кәсіподақ ұйымдарының басшыларымен кездесіп, онда әлеуметтік әріптестік мәселелерін талқылады.

2015 жылдан бастап бизнестің әлеуметтік жауапкершілігі аясында 25,7 млрд теңгенің 40-тан астам жобасы іске асырылып келеді. Бүгінгі күні 21,6 млрд теңгенің 32 жобасы іске асырылды. 7 балабақша, 1 емхана, фельдшерлік-акушерлік пункт және т.б. салынды.

Көпбалалы аналармен кездесу барысында вице-премьер мемлекет азаматтардың аз қамтылған санаттарына әлеуметтік қолдау көрсетуге бағытталған шаралар қабылдап жатқанын атап өтті. 1 сәуірден бастап атаулы әлеуметтік көмек көрсету талаптары ең төменгі күнкөріс деңгейінің 70%-на дейін артып, 20 789 теңгені құрады.

Мамыр айынан бастап жалға берілетін тұрғын үй бөліне бастайды, ал 1 маусымнан бастап бюджет саласындағы жалақысы төмен қызметкерлердің еңбекақысы көбейеді. Білім беру және денсаулық сақтау жүйесіндегі қызметтердің сапасын арттыру бойынша шаралар қабылданатын болады. Сондай-ақ, жұмыс тобының мүшелері жаңа әлеуметтік саясат аясында іске асырылып жатқан жаңалықтар туралы ақпарат берді.

С.Асфендияров атындағы Ұлттық медицина университетінің жатақханасын аралау барысында Премьер-Министрдің орынбасары «Елбасының бес әлеуметтік бастамасын» іске асыру аясында Тұңғыш Президент тапсырмасының орындалу барысымен танысты.

Гүлшара Әбдіқалықова жұмыс сапарының соңында жоғары оқу орындарының ректорларымен кездесу өткізді. Кездесуде студент жастардың өмір сүру жағдайын жақсарту жөніндегі үшінші бастаманың іске асырылу туралы ақпарат тыңдалды, жоғары білім берудегі өзекті мәселелер талқыланды.

Жоғарыда аталған бастаманы орындау үшін қалада студент жатақханасын салу жалғасуда. 39 жоғары оқу орны жұмыс істейді, онда 149 мың адам білім алады, оның 92 мыңнан астамы басқа қалалардан келген студенттер. Барлығы 95 жатақханада 30 мың (33%) студент тұрады.
null

2018 жылы жоғары оқу орындарының өз қаражатының есебінен 1 200 орынға арналған 3 жатақхана пайдалануға берілді. 2019 жылы да өз қаражаттары есебінен 2 340 орынға арналған 5 жатақхананы аяқтау жоспарлануда.

Кездесудің қорытындысы бойынша Премьер-Министрдің орынбасары Г. Әбдіқалықова жатақханаларды уақытылы және сапалы пайдалануға беруді қамтамасыз ету, студенттерге қолайлы жағдайлар жасау үшін қажетті шаралар қабылдау жөнінде жоғары оқу орындарының ректорларына, мемлекеттік органдардың басшыларына бірқатар нақты тапсырмалар берді.

Еске сала кетсек, 25 сәуірде ҚР Премьер-Министрінің орынбасары Гүлшара Әбдіқалықова бастаған үкімет делегациясы Елбасының «Әлеуметтік қамқорлық» жаңа әлеуметтік шараларының негізгі бағыттарын түсіндіру үшін Алматы қаласына келді.
null

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT