Қолданушы баптаулары
Қолданушы баптаулары
+7 (701) 759 90 19 Лента
Астана: 28 °С
Алматы: 27 °С
USD 345.55 EUR 401.01
RUB 5.45 CNY 50.98
Жаңалықтар

Үкімет басшысы органикалық өнім экспортын дамытуды тапсырды

2017 жылғы 21 қараша 11:30 1929
Бөлісіңіз:
Үкімет басшысы органикалық өнім экспортын дамытуды тапсырды

АСТАНА. ҚазАқпарат - ҚР Үкімет басшысы Бақытжан Сағынтаев қазақстандық тауардың экспорты үлесінде органикалық өнімге айрықша екпін қоюды тапсырды, деп хабарлайды ҚазАқпарат.

«Біз ДСҰ мен ЕАЭО аясындағы сауданы талқыладық. Осы орайда органикалық өнім «жасыл себетте» қамтылып отырғанын жақсы білеміз және бұл бағытта ешқандай проблема болмайды. Сондықтан да органикалық өнімге көбірек екпін қою керек. Бұл жерде көлем аз болғанымен, баға мәнінде көбірек ұтатынымыз анық»,  - деп атап өтті Сағынтаев Үкімет отырысында.

Сонымен бірге вице-премьер Ерболат Досаев ҚР ИДМ Техникалық реттеу және метрология комитеті органикалық өнім бойынша төрт стандарттың жобасын даярлап жатқанын жеткізді.

«Біз осының барлығын қарастырып, желтоқсанда тиісті ұсынысты енгіземіз», - деп нақтылады Досаев.

Ауыл шаруашылығы министрлігінің мәліметінше, өсімдік шаруашылығынан картоп экспорты 19 есеге өсті, Ресейге томат тұздығы пен қиярдың экспорты 3,5 есеге өсті, Қытай мен Ресейге жаңғақ экспорты 3 есеге өсті.

Ұлыбританияға алғашқы рет арпа экспортталды, Иран мен Моңғолияға сұлыны жеткізу қайта жаңартылды, күріш, қарақұмық, жарма, майлы дақылдар, жемістер, бақша дақылдары, қарбыз, кептірілген бұршақ пен көкөністер ТМД, Еуропа, Таяу Шығыс және Қытай елдеріне 2 есе артты.

 

 


Бөлісіңіз:

Автор:

Руслан Ғаббасов

Онлайн қызметкерлер
Редактор
Гүлмира Алякпарова
Гүлмира Алякпарова
954-059
Редактор
Айдар Оспаналиев
Айдар Оспаналиев
954-059
Мұрағат