14:38, 07 Шілде 2019 | GMT +6
UFC тарихындағы ең жылдам нокауттың видеосы желіге тарады
НҰР-СҰЛТАН. ҚазАқпарат - Америкалық аралас жекпе-жек шебері Хорхе Масвидаль жартылай орта салмақ санатында бұрын Bellator және One FC чемпионы болған отандасы Бен Аскренді нокаутпен жеңді. Жекпе-жек UFC тарихындағы ең қысқа кездесу болды, деп хабарлайды ҚазАқпарат тілшісі.
Видео Туиттердегі UFCEspanol парақшасында жарияланды.
Айқас бірінші раундтың 5-секундында аяқталды. Масвидаль секіріп қарсыласының басына тізесімен соққы берді. Соққының күшінен Аскрен ауыр нокаутқа түсті.
WOW!!!! @GamebredFighter damas y caballeros!!!! #UFC239 pic.twitter.com/0KlBmlI1sn
— UFC Español (@UFCEspanol) 7 июля 2019 г.
Бұған дейін аралас жекпе-жек тарихында ешкім қарсыласын 5 секундта жеңбеген.
Айта кетейік, жекпе-жек Лас-Вегас қаласында (АҚШ, Невада штаты) өтті. 34 жастағы Масвидаль кәсіби мансабындағы 34-ші жеңісіне қол жеткізді. Бұдан тыс 13 рет жеңілген. Ал оның құрдасы Аскрен алғаш рет жеңіліп отыр. Ол бұған дейінгі 19 жекпе-жегінің бәрінде басым түскен болатын.