+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

ҮЕҰ-лар арасындағы «Таңдау» байқауының жеңімпаздары анықталды

2021 жылғы 26 қараша 14:36
Бөлісіңіз:
ҮЕҰ-лар арасындағы «Таңдау» байқауының жеңімпаздары анықталды

АЛМАТЫ. ҚазАқпарат - Алматыда өтіп жатқан Азаматтық форум аясында ел дамуына үлес қосқан үкіметтік емес ұйымдар арасындағы «Таңдау» сыйлығының жеңімпаздары анықталды, деп хабарлайды ҚазАқпарат тілшісі.

Ұқсас жаңалықтар
Мемлекет басшысы: Азаматтық қоғам құру – негізгі басымдықтың бірі Дәурен Абаев Қазақстанда азаматтық қоғамды дамытудағы ҮЕҰ рөлін айтты Алматыда Х Азаматтық форумның пленарлық отырысы өтіп жатыр

ҮЕҰ арасында «Таңдау» сыйлығы биыл алғаш рет 15 номинация бойынша өткізіліп отыр. Байқаудың негізгі идеясы – 10 жылдан астам тәжірибесі бар қазақстандық ҮЕҰ қызметінің жетістіктерін әлеуметтік және қоғамдық өмірге, Қазақстанның тәуелсіздігін нығайту мен азаматтық қоғамды қалыптастыруда қосқан үлестерін көпшілікке жария ету.

15 номинация бойынша жеңімпаздар анықталды:

1. «Білім, ғылым, ақпарат, дене шынықтыру және спорт саласындағы мақсаттарға қол жеткізу» - Батыс Қазақстан облыстық мүгедек балалардың қоғамдық бірлестігі.

2. «Азаматтардың денсаулығын сақтау, салауатты өмір салтын насихаттау» - «Қазақстан саңыраулар қоғамы» ҚБ.

3. «Қоршаған ортаны қорғау» - «Қазақстанның экологиялық қоры» ҚҚ.

4. «Жастар саясаты мен балалар бастамаларын қолдау» - «Бірыңғай «Жас Ұлан» балалар мен жасөспірімдер ұйымы» РҚБ.

5. «Отбасылық, демографиялық және гендерлік мәселелерді шешу» - «Ақ-Отау» отбасы орталығы.

6. «Халықтың әлеуметтік осал топтарын қолдау» - Халықтың әлеуметтік осал топтарын қолдау.

7. «Жетім балаларға, толық емес және көп балалы отбасылардан шыққан балаларға көмек» - «Қоғамды ақпараттық қолдау» ЖҚ.

8. «Халықты жұмыспен қамтуға жәрдемдесу» - «Жер-Ана Астана» ҚБ.

9. Азаматтар мен ұйымдардың құқықтарын, заңды мүдделерін қорғау - «Қазақстан тұтынушылардың құқықтарын қорғау қоғамы» ҚБ

10. Мәдениет пен өнердің дамуы - «ШҚ облыстық кітапханашылар қауымдастығы» ҚБ

11. Тарихи-мәдени мұраны қорғау - «Ұлттық волонтерлік желі» қауымдастық түріндегі ЗТБ

12. «Қоғамдық келісім мен ұлттық бірлікті нығайту» - «Ауған соғысы ардагерлері» одағы

13. «Пробация қызметі есебінде тұрған адамдарға әлеуметтік-құқықтық көмек көрсетуге жәрдемдесу» - «Құқық» ҚҚ.

14. «Мемлекеттік қызметтерді көрсету сапасына қоғамдық мониторинг жүргізу» - «Періште» ҚБ .

15. Азаматтық қоғамды дамытуға, оның ішінде үкіметтік емес ұйымдар қызметінің тиімділігін арттыруға жәрдемдесу – «КАМЕДА» ҚҚ.

Сыйлықпен марапатталған тұлғаларға тиісті номинация бойынша «Республикалық «Таңдау» сыйлығының лауреаты» атағы, лауреаттың атаулы дипломы және естелік мүсінше берілді.

Айта кетейік, «Таңдау» байқауын Қазақстанның Азаматтық альянсы Қазақстан Республикасы Ақпарат және қоғамдық даму министрлігінің қолдауымен ұйымдастырды.

ҮЕҰ-лар келесі критерийлер бойынша бағаланды:

- ұйымның үкіметтік емес сектордағы 10 жылдан астам жұмыс тәжірибесі;

- мақсатты топтардың, аймақтың не жалпы ел өміріндегі жұмыс нәтижелерінің маңыздылығы және әлеуметтік әсері;

- іс-шаралар мен жүзеге асырылатын жобалардың әлеуметтік маңыздылығы;

- іс-әрекет тәжірибесі мен нәтижелер таралымы (мультипликатор эффектісі);

- ұсыныстар, қоғам мен БАҚ пікірі

Конкурс комиссиясының құрамына бірқатар қоғамдық-саяси жетекшілер, ҮЕҰ өкілдері, парламент депутаттары, бизнес құрылымдар мен мемлекеттік органдардың, халықаралық ұйымдардың өкілдері енді.


Біздің каналымызға жазылыңыз:

Бөлісіңіз:

Автор:

Алма Мұқанова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059

MURAǴAT