+7 (701) 759 90 19
USD 423.95 EUR 495.81
RUB 5.84 CNY 65.6
Jańalyqtar

UEFA Конференция лигасы: Бүгінгі ойындарды қайдан көруге болады

2021 жылғы 29 шілде 14:11
Бөлісіңіз:
UEFA Конференция лигасы: Бүгінгі ойындарды қайдан көруге болады

НҰР-СҰЛТАН. ҚазАқпарат - Бүгін, 29 шілдеде UEFA Конференция лигасы екінші іріктеу сатысында қазақстандық «Астана», «Тобыл» және «Шахтер» командалары қарымта ойындарын өткізеді, деп хабарлайды ҚазАқпарат тілшісі.

Ұқсас жаңалықтар
Аян Бейсенбаев триатлоннан Африка кубогында топ жарды Футболдан Қазақстан кубогы 1/2 финалының жеребесі тартылды UEFA Чемпиондар лигасы: бүгін топтық кезеңінің екінші туры басталады

Қарағандының «Шахтері» Румынияның ФКСБ ( бұрынғы атауы «Стяуа») клубымен жасыл алаңға шығады. Бұл ойын Арменияның Ереван қаласындағы Вазген Саркисян атындағы стадионда өткізіледі. Бұл румын тарапынан түскен өтінішке сәйкес коронавирус инфекциясынан сақтық шараларына байланысты Қазақстаннан тыс аймақта өткізілуде.

Алғашқы кездесуде «Шахтер» қарсыласына 0:1 есебімен есе жіберді.

Ойын елорда уақытымен 19.00-де басталып, «Qazsport» телеарнасынан тікелей эфирде көрсетіледі.

Кездесуге болгариялық Драгомир Драганов бас төреші болады. Оған отандастары Петар Джугански мен Станислав Тодоров көмекшілік жасайды

Ал Қостанайдың «Тобылы» өз алаңында Хорватияның «Хайдук» клубымен шеберлік байқасады. Екі команда арасындағы алғашқы кездесуде хорваттан 2:0 есебімен басым түскен болатын.

Ойын барысында ресейлік Владимир Москалёв бас қазы қызметін атқарады. Оған отандастары Дмитрий Мосякин мен Роман Усачев көмекшілік жасайды. Қосалқы төреші де - ресейлік Евгений Кукуляк.

Ойын елорда уақытымен 21.00-де басталып, «Qazsport» телеарнасынан тікелей эфирде көрсетіледі.

Тағы бір кездесуде елордалық «Астана» сырт алаңда Грекияның «Арис» командасымен жасыл алаңға шығады.

Алғашқы кездесуде «Астана» қарсыласын 2:0 есебімен жеңген еді.

Кездесу елорда уақытымен 00.30-да басталып, «Хабар» телеарнасынан тікелей эфирде көрсетіледі.


Біздің каналымызға жазылыңыз:

Бөлісіңіз:

Автор:

Әділжан Үмбет

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT