+7 (701) 759 90 19
USD 424.92 EUR 500.09
RUB 5.87 CNY 65.92
Jańalyqtar

UEFA Конференция лигасы: «Астана» жарыстың үшінші сатысына шықты

2021 жылғы 30 шілде 03:18
Бөлісіңіз:
UEFA Конференция лигасы: «Астана»  жарыстың үшінші сатысына шықты

НҰР-СҰЛТАН. ҚазАқпарат - 29 шілдеде UEFA Конференция лигасы екінші іріктеу сатысында қазақстандық «Астана» Грекияның «Арис» клубымен қарымта ойын өткізді, деп хабарлайды ҚазАқпарат тілшісі.

Ұқсас жаңалықтар
UEFA Конференция лигасы: «Қайрат» алғашқы ойынында «Омонияны» қабылдайды Чемпиондар лигасы: «Реал Мадрид» клубы турнирді жеңіспен бастады Футзалдан әлем чемпионаты: Қазақстан құрамасы Литвадан басым түсті

Екі команда арасындағы алғашқы кездесуде елордалық клуб 2:0 есебімен жеңіске жетті. Сондықтан оларға үш гол айырмасымен жеңілмеуі тиіс болатын.

«Арис» футболшылары сол мақсатта ойын басынан алға қарай ұмтылды. Бірінші кезеңде тізгінді негізінен грекиялық ойыншылар ұстады десек те болады.

Нәтижесінде олардың қатарынан Димитриос Манос 36-минутта есеп ашып кетті. Бұдан кейін екі команданың есепті өзгертетін мүмкіндігі болған еді. Дегенмен таблодағы есеп өзгеріссіз қалды.

Екінші кезеңде де алаң иелері гол соғатын мүмкіндікті іздеді. Ойынның 78-минутында «Арис» ойыншысы Саша таразы басын теңестірді. Ойын овертаймға ұласып, 120-минутта «Астана» қорғаушысы Элен Битри жеңіс голын соқты. Осылайша елордалық клуб жарысты жалғастыратын болды. Олар енді 5 және 12 тамыз күндері Финляндияның КуПс командасымен кездеседі.

Айта кетсек, бүгін UEFA Конференция лигасы екінші іріктеу сатысында Қарағандының «Шахтері» Румынияның ФКСБ (бұрынғы атауы «Стяуа») клубынан басым түсті.

Ал одан кейін «Тобыл» өз алаңында Хорватияның «Хайдук» командасының осал тұсын тапты.

Ал кеше, 28 шілдеде UEFA Чемпиондар лигасында «Қайрат» қарсыласынан ойсырай жеңілді. Енді олар Еуропа лигасы үшінші іріктеу сатысында Арменияның «Алашкерт» клубымен сынға түседі.



Біздің каналымызға жазылыңыз:

Бөлісіңіз:

Автор:

Әділжан Үмбет

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059

MURAǴAT