+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

UEFA Конференция лигасы: «Астана» алғашқы кездесуде «Аристен» басым түсті

2021 жылғы 22 шілде 21:00
Бөлісіңіз:
UEFA Конференция лигасы: «Астана» алғашқы кездесуде «Аристен» басым түсті

НҰР-СҰЛТАН. ҚазАқпарат - Бүгін, 22 шілдеде UEFA Конференция лигасы екінші іріктеу сатысындағы алғашқы кездесуде елордалық «Астана» Грекияның «Арис» командасынан басым түсті, деп хабарлайды ҚазАқпарат тілшісі.

Ұқсас жаңалықтар
Токио Олимпиадасы: Жеңіл атлет Михаил Литвин финалға өте алмады Футболдан Қазақстан кубогы: «Қайсар» көш басына шықты Олимпиада басталғалы бері жарысқа және оны ұйымдастыруға қатысушы 246 адамнан КВИ анықталды

Ойын басынан екі команда бір-бірінің қақпасына гол соғатын мүмкіндікті іздеді. Негізінен «Астана» алға қарай жиі ұмтылды. Өзінің алаңында жеңіске жеткен жағдайда жарыстың келесі сатысына шығуға мүмкіндік арта түседі. Елордалық клуб футболшылары осындай оймен жасыл алаңға шықты.

Нәтижесінде 24-минутта елордалық клубтан Марин Томасов қақпаны дәл көздеп, өзінің командасын алға шығарды. Бұдан кейін екі команда да гол соғатын сәттер де кездесті. Бірінші кезеңде таблодағы есеп өзгерген жоқ.

Екінші кезеңде Марин Томасов шабуыл шебінде жиі бой көрсетті. Ол 70-минутта өзінің екінші голын соғып, «Астананың» басымдығын арттыра түсті.

Кездесуде «Астана» қарсыласынан 2:0 есебімен басым түсті. Қарымта кездесу 29 шілдеде Грекияда өткізіледі.

UEFA қарамағындағы Чемпиондар лигасы мен Еуропа лигасынан кейінгі үшінші деңгейдегі құрлықтық клубтық футбол турнирі. Турнирге UEFA құрамындағы рейтингі төмен чемпионат командалары қатысады. Әрбір елдің чемпионы бұрынғысынша Чемпиондар лигасында бақ сынайды. Ал 2-3 орын алған клубтар және Кубок иегерлері Еуропа лигасына емес, Конференциялар лигасында доп тебеді.

Айта кетсек, бүгін аталған турнирде сырт алаңда Қостанайдың «Тобылы» Хорватияның «Хайдук»,Қарағандының «Шахтері» Румынияның ФКСБ ( бұрынғы атауы «Стяуа») клубтарымен шеберлік байқасады.

Еске салсақ, UEFA Чемпиондар лигасы екінші іріктеу сатысында «Қайрат» өз алаңында сербиялық «Црвена Звезда» клубынан басым түсті.


Біздің каналымызға жазылыңыз:

Бөлісіңіз:

Автор:

Әділжан Үмбет

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT