USD 434.84 EUR 498.2
RUB 5.72 CNY 68.47
Jańalyqtar

UEFA Чемпиондар лигасы: «Реал Мадрид» Молдованың «Шерифінен» жеңіліп қалды

2021 жылғы 29 қыркүйек 09:13
Бөлісіңіз:
UEFA Чемпиондар лигасы: «Реал Мадрид» Молдованың «Шерифінен» жеңіліп қалды

НҰР-СҰЛТАН. ҚазАқпарат - Футболдан UEFA Чемпиондар лигасы топтық кезеңінің екінші туры басталды, деп хабарлайды ҚазАқпарат тілшісі.

Ұқсас жаңалықтар
«Ақсу» футбол командасына жаңа бапкер тағайындалды Футболдан «Тұран» командасына бас бапкер тағайындалды

Алғашқы күнгі ойындар арасынан D тобындағы Испанияның «Реал Мадрид» командасының өз алаңында жеңіліп қалғанын жанкүйерлер сенсация ретінде бағалап отыр. Корольдік клуб Молдованың «Шерифіне» 1:2 есебімен жол берді.

Кездесудің 25-минутында «Шериф» сапынан Джасурбек Яхшибоев есеп ашса, 65-минутта испандық клуб шабуылшысы Карим Бензема пенальтиден таразы басын теңестірді. Ал 89-минутта «Шериф» ойыншысы Себастьян Поль жеңіс голын соғып кетті.

Осылайша молдовалық клуб турнирдегі екінші жеңісіне қол жеткізді. Бұдан бұрын олар өз алаңында Украинаның «Шахтерінен» 2:0 есебімен басым түскен еді.

Сондай-ақ, аталған топта «Шахтер» (Украина) мен «Интер» (Италия) 0:0 есебіне қанағат білдірді.

А тобында «Пари Сен-Жермен» (Франция) өз алаңында «Манчестер Сити» (Англия) командасын 2:0 есебімен жеңсе, «Лейпциг» (Германия) Бельгияның «Брюггесіне» 1:2 есебімен жол берді.

В тобында өз алаңында «Милан» (Италия) клубы «Атлетико Мадрид» (Испания) командасынан 1:2 есебімен жеңілсе, «Порту» (Португалия) «Ливерпуль» (Англия) клубына 1:5 есебімен есе жіберді.

Ал С тобында «Аякс» (Нилерланды) өз алаңында «Бешикташ» (Түркия) командасын 2:0, «Боруссия Дортмунд» (Германия) «Спортинг» (Португалия) клубын 1:0 есебімен сүріндірді.

Бүгін, 29 қыркүйекте E, F, G, H топтарындағы командалар екінші тур кездесуін өткізеді .


Біздің каналымызға жазылыңыз:

Бөлісіңіз:

Автор:

Әділжан Үмбет

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT