+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

UEFA Чемпиондар лигасы: «Ливерпуль» үшінші ойын қатарынан жеңіске жетті

2021 жылғы 20 қазан 03:03
Бөлісіңіз:
UEFA Чемпиондар лигасы: «Ливерпуль» үшінші ойын қатарынан жеңіске жетті

НҰР-СҰЛТАН. ҚазАқпарат - Бүгін футболдан UEFA Чемпиондар лигасы топтық кезеңінің үшінші туры басталды, деп хабарлайды ҚазАқпарат тілшісі.

Ұқсас жаңалықтар
Жәнібек Әлімханұлы WBO әлем чемпионы титулы үшін міндетті кандидат болды Астанадағы кәсіпқой бокс кеші: Жанқош Тұраров «Батыл жүрекпен» кездеседі Серік Сәпиев туралы «Боксер» фильмі көрерменге жол тартады


Алғашқы ойын күнінде жанкүйерлер В тобындағы «Атлетико Мадрид» (Испания) және «Ливерпуль» (Англия) кездесуіне көз тікті. Бұған дейін өткен екі турда ағылшындар ұпай жоғалтпай көш бастаса, испаниялық клуб бір жеңіс және бір тең ойынмен екінші орында тұр.

Кездесу барысында командалар тартысты ойын өткізді. «Ливерпуль» жартылай қорғаушысы Мохамед Салах 8-минутта есеп ашса, 13-минутта Наби Кейта есепті ұлғайта түсті. Бұдан кейін «Атлетико Мадрид» сапынан Антуан Гризманн - 20, 34-минуттарда қос голдың авторы атанып, таразы басы теңесті. Оған төреші дөрекі ойнағаны үшін 52-минутта бірден қызыл қағаз көрсетіп, алаңнан қуды. Қалған уақытта испаниялық команда осылайша бір ойыншыға кем құрамда ойнауға мәжбүр болды. Ойынның 78-минутында Мохамед Салах қарсыластар қақпасына белгіленген пенальтиден мүлт кеткен жоқ.

Кездесуде «Ливерпуль» қарсыласынан 3:2 есебімен басым түсті. Осылайша үшінші ойын қатарынан жеңіске жетті.

Сондай-ақ, аталған топта «Порту» (Португалия) «Милан» (Италия) командасын 1:0 есебімен сүріндірді.

Өзге топтардағы ойын нәтижелері төмендегіше:

А тобы: «Пари Сен-Жермен» (Франция) - «Лейпциг» (Германия) 3:2

«Брюгге» (Бельгия) - «Манчестер Сити» (Англия) 1:5

С тобы: «Бешикташ» (Түркия) - «Спортинг Лиссабон» (Португалия) 1:4

«Аякс» (Голландия) - «Боруссия Дортмунд» (Германия) 4:0

D тобы: «Интер Милан» (Италия) - «Шериф» (Молдова) 3:1

«Шахтер Донецк» (Украина) - «Реал Мадрид» (Испания) 0:5

Енді екінші ойын күнінде E, F, G, H топтарында кездесулер болады.




Біздің каналымызға жазылыңыз:

Бөлісіңіз:

Автор:

Әділжан Үмбет

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT