+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

UEFA Чемпиондар лигасы: Бүгін топтық кезеңінің үшінші туры басталады

2021 жылғы 19 қазан 12:53
Бөлісіңіз:
UEFA Чемпиондар лигасы: Бүгін топтық кезеңінің үшінші туры басталады

НҰР-СҰЛТАН. ҚазАқпарат - Бүгін футболдан UEFA Чемпиондар лигасы топтық кезеңінің үшінші туры басталады, деп хабарлайды ҚазАқпарат тілшісі.

Ұқсас жаңалықтар
Футбол: «Қайрат» - Қазақстан кубогының иегері

Аталған тур ойындары екі күнге белгіленген. Бүгін, 19 қазанда А, В, C, D топтарында ойындар өткізіледі.

Жанкүйерлер В тобындағы «Атлетико Мадрид» (Испания) және «Ливерпуль» (Англия) кездесуіне көз тігеді. Алғашқы екі турда ағылшындар ұпай жоғалтпай көш бастаса, испаниялық клуб бір жеңіс пен бір тең ойынмен екінші орында тұр.

Аталған ойын елорда уақытымен 00.50-де басталып, тікелей эфирде «Qazaqstan» телеарнасынан көрсетіледі.

Сондай-ақ, бұл топта «Порту» (Португалия) пен «Милан» (Италия) командалары шеберлік байқасады.

Қазақстандық жанкүйерлер «Qazaqstan» телеарнасынан тікелей эфирде елорда уақытымен 00.50-де А тобындағы «Пари Сен-Жермен» (Франция) мен «Лейпциг» (Германия) ойынын тамашалай алады. Бұл топта «Брюгге» (Бельгия) мен «Манчестер Сити» (Англия) командалары жасыл алаңға шығады.

Ал С тобында «Бешикташ» (Түркия) пен «Спортинг Лиссабон» (Португалия), «Аякс» (Голландия) пен «Боруссия Дортмунд» (Германия) командалары кездеседі.

D тобында «Интер Милан» (Италия) мен «Шериф» (Молдова), «Шахтер Донецк» (Украина) мен «Реал Мадрид» (Испания) клубтары ойнайды.

Қалған топтардағы ойындар 20 қазанға белгіленген.


Біздің каналымызға жазылыңыз:

Бөлісіңіз:

Автор:

Әділжан Үмбет

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059

MURAǴAT