УЕФА Бельгия клубын Еуропа лигасынан шығарып тастады

НҰР-СҰЛТАН. ҚазАқпарат – Еуропа футбол қауымдастықтарының одағы (УЕФА) Бельгияның «Мехелен» клубын Еуропа лигасынан шеттетті. Бұл туралы УЕФА сайтында жарияланды.

Клубтың биылғы Лигадан шеттетілуіне оның ел чемпионатында келісілген ойындар өткізуі себеп болған. Клуб 2018/2019 жылғы Бельгия кубогында жеңіске жетіп, Еуропа лигасының топтық кезеңіне тікелей жолдама алған болатын.

2018 жылғы 10 қазан күні Бельгия прокуратурасы келісілген матчтарды тергеп-тексеру кезінде 22 адам қамалғанын мәлімдеді. «Мехелен» басшылары 10 жылға футбол саласында жұмыс істеуден шеттетілді.