USD 434.24 EUR 492.69
RUB 5.67 CNY 68.46
Jańalyqtar

ТЖМ мереке қарсаңында газ баллондары қауіпсіздігін еске салды

2021 жылғы 29 қараша 16:27
Бөлісіңіз:
ТЖМ мереке қарсаңында газ баллондары қауіпсіздігін еске салды

НҰР-СҰЛТАН. ҚазАқпарат – Төтенше жағдайлар министрлігі желтоқсандағы мерекелер қарсаңында тұрғындарды газ баллонын пайдаланудағы қауіпсіздікті сақтауға шақырды, деп хабарлайды ҚазАқпарат.

«Желтоқсандағы мерекелер қарсаңында тұрмыстық баллондарда сұйытылған газды пайдаланатын тұрғындардан баллонды қосар алдында газдың кемуін тексеруді, қысым реттегішінің жай-күйін тексеруді, газ иісі байқалғанда ашық отты пайдаланбауды, темекі шекпеуді, электр аспаптарын ажыратуды сұраймын. Тұрмыстық баллондарды жылытпау қажет және жылыту аспаптарының жанына орнатпау керек», - деді ҚР Төтенше жағдайлар вице-министрі Мереке Пішембаев Орталық коммуникациялар қызметінде өткен баспасөз мәслихатында.

Сонымен бірге, министрлік өкілі автогаз құю станцияларында тұрмыстық газ баллондарын толтырмауды ескертті, өйткені бұл тұрмыстық баллондар мен газбен жабдықтау жүйелері объектілерін қауіпсіз пайдалану талаптарына қайшы келеді.

«Бұдан басқа, автогаз құю станцияларының иелеріне тұрмыстық газ баллондарын толтырғаны үшін әкімшілік жауапкершілік бар екенін және станцияларда осындай фактілерге жол бермеу туралы ақпараттық стендтерді орналастыру қажеттігін ескертеміз. Ал газ толтыру станцияларының иелеріне тұрмыстық газ баллондарын, оның ішінде төмен температура кезеңінде пайдалану қағидалары бойынша тұтынушыларға нұсқама жүргізу қажеттігін ескертеміз», - деді Мереке Пішембаев.


Біздің каналымызға жазылыңыз:

Бөлісіңіз:

Автор:

Айжан Серікжанқызы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанат Қапалбаева
Жанат Қапалбаева
954-059

MURAǴAT