13:41, 02 Қаңтар 2019 | GMT +6
ТЖД: Алматы тауларында қар көшкіні жүру қаупі бар
АЛМАТЫ. Қазақпарат - Алматы қалалық ТЖД тұрғындарға тауға шығуды кейінге қалдыруға кеңес береді, деп хабарлайды ҚазАқпарат тілшісі.
Құзырлы органның хабарлауынша, қаңтардың 3-5 аралығында қалың қар жауады деп болжанып отыр. Осыған байланысты тауда қар көшкіні жүру қаупі бар.
"Қала тұрғындары мен қонақтарына тауға серуендеуді кейінге қалдыруға кеңес береміз"- деді ТЖД баспасөз қызметінен.
Қазгидромет РМК жақын күндері Қазақстанның басым территориясында жауын-шашын түседі деп болжам жасап отыр. Алматы облысында көктайғақ пен тұман болуы мүмкін.
3 қаңтардан бастап ауа температурасы күндіз -1 пен - 4, түнде -7 болмақ.