ТЖ режимін бұзған 333 ақмолалық әкімшілік жазаға тартылды
2022 жылғы 11 қаңтар 18:55

ТЖ режимін бұзған 333 ақмолалық әкімшілік жазаға тартылды

КӨКШЕТАУ. ҚазАқпарат - Ақмола облысының соттары 2022 жылғы 6-11 қаңтар аралығында 333 әкімшілік құқық бұзушылық туралы істі қарады, деп хабарлайды ҚазАқпарат тілшісі облыстық соттың баспасөз қызметіне сілтеме жасап.

«Ақмола облысының соттары 2022 жылғы 6-11 қаңтар аралығында 333 әкімшілік құқық бұзушылық туралы істі қарады. Оның әкімшілік құқық бұзушылық туралы кодекстің 488-бабы бойынша (бейбіт жиналыстарды ұйымдастыру және өткізу тәртібі туралы Заңнаманы бұзу) - 31 іс, Әкімшілік құқық бұзушылық туралы кодекстің 476-бабы бойынша (төтенше жағдай режимін бұзу) - 303 іс бар. Сот істерді қарап, 67 адамды қамаққа алу, 19 адамға айыппұл және 247 адамға ескерту түрінде жаза тағайындады», - деді ведомствоның баспасөз қызметі.


Jańalyqtar

MURAǴAT