+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

ТЖ: Павлодар облысында 1 сәуірден бірқатар шектеулер енгізіледі

2020 жылғы 30 наурыз 23:48
Бөлісіңіз:
ТЖ: Павлодар облысында 1 сәуірден бірқатар шектеулер енгізіледі

ПАВЛОДАР. ҚазАқпарат - Павлодар облысында 1 сәуірден бастап қосымша қауіпсіздік шаралары қолға алынады, деп хабарлайды ҚазАқпарат аймақ әкімдігінің Telegram-парақшасына сілтеме жасап.

30 наурыз күні төтенше жағдай жөніндегі облыстық штабтың кезекті отырысы өтті. Онда Павлодар облысының аумағында коронавирус инфекциясын таратпау мақсатында эпидемияға қарсы қолданыстағы санитарлық, сақтық шараларын күшейту және қосымша шараларды қолға алу туралы шешім қабылданды.

Осылайша, өңірдің Бас санитарлық дәрігері орынбасарының бұйрығына сәйкес 2020 жылғы 1 сәуір, сағат 00:00-ден бастап Павлодар облысында төмендегідей шаралар қолға алынады: ⠀

1) облыс аумағы бойынша 9 блокпост қойылады;

2) кез келген көлік құралымен шекаралас облыстарға/шекаралас облыстардан жолаушыларды тасымалдауға тыйым салынады;

3) облыс ішіндегі елдімекендер арасында кез келген көлік түрімен жолаушыларды тасымалдауға тыйым салынады;

4) дипломатиялық қызметтерді, емделуге баратын адамдарды, азық-түлік және азық-түлікке жатпайтын тауарлар тиелген транзиттік жүк көліктерді (эпидемияға қарсы дезинфекциялауды және сақтық шараларын қатаң қадағалай отырып) қоспағанда, Қазақстан Республикасының басқа өңірлерінің тұрғындары мен басқа мемлекеттердің азаматтарының кіруіне тыйым салынады;

5) 22.00-ден кейін тұрғындардың пәтерден, үйден шығуы шектеледі. Тек қана тұрып жатқан жеріне жақын дәріханалар мен азық-түлік дүкендеріне, жұмысқа және медициналық көмекке баруға ғана рұқсат беріледі;

6) тұрғындардың қоғамдық орындарға, оның ішінде жағалауларға, саябақтарға, алаңдарға, ойын және спорт алаңдарына, сондай-ақ тағы да басқа жерлерге баруы шектеледі;

7) эпидемияға қарсы режимге байланысты қоғамдық көліктерде, адамдар көп жиналатын орындарда, дүкендерде, сауда орталықтары мен үйлерде, тұрғын үйлерде, аялдамаларда және тағы да басқа жерлерде дезинфекциялау жұмыстары күшейтіледі.

Аталған шаралар облыс тұрғындарының қауіпсіздігін қамтамасыз етуге бағытталған. Төтенше жағдай жөніндегі облыстық штаб тұрғындардан эпидемияға қарсы енгізілген талаптарды түсіністікпен қабылдауды және оларды қатаң сақтауды талап етеді.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Үмбет Шолпан
Үмбет Шолпан
954-059

MURAǴAT