16:39, 29 Сәуір 2020 | GMT +6
Турниктен жерге түспей киін: Өрт сөндірушілер ерекше челлендж бастады
ПАВЛОДАР. ҚазАқпарат – Павлодар облысының құтқарушылары турниркке тартылып тұрып, өрт сөндірушілер костюмін кию челленджін бастады, деп хабарлайды ҚазАқпарат.
Позитивті видеочеллендж #BATYRLAR деп аталады. Шарт бойынша турниктен жерге түспей арнаулы киімді, жабдықтарды кию қажет.
Челленджге үн қосқан алғашқы кейіпкер № 5 өрт сөндіру бөлімінің командирі Дастан Қастретов болды. Видео Павлодар облыстық Төтенше жағдайлар департаментінің Instagram-дағы парақшасында жарияланды.
Карантин кезінде халықтың көңіл-күйін көтеруге бағытталған челленджге үш өрт сөндіру бөлімінің қызметкерлері қатысып, видеоларымен бөліскен.