Түркияның бас консулы атыраулық дәрігерлерге алғысын білдірді
Түркия Республикасының Ақтау қаласындағы бас консулы Мұзаффер Ақйылдырым Атыраудағы №2 облыстық ауруханасының директорына алғыс хат жолдаған.
«Атырау облысының Теңіз кентінде жұмыс істеу барысында коронавирус індетін жұқтырған Түркия Республикасының азаматы Хаджы Чағлардың №2 облыстық ауруханада емделуіне көңіл бөлгені инфекциялық бөлімнің дәрігерлеріне, медбикелеріне, барша медицина саласының қызметкерлеріне шын көңілден ризашылық білдіреміз» - делінген Түркияның бас консулы жодаған хатта.
Сондай-ақ, ол ҚР Денсаулық сақтау министрлігіне де ризашылығын білдірген.
«COVID-19 індетімен күресте ҚР Денсаулық сақтау министрлігінің басшылығына және халқына табандылық пен жетістіктер тілеймін», - дейді Түркия Республикасының Ақтау қаласындағы бас консулы Мұзаффер Ақйылдырым.