USD 436.29 EUR 492.83
RUB 5.92 CNY 68.48
Jańalyqtar

Түркиялық жастар қазақ тілін үйренуде

2017 жылғы 26 желтоқсан 17:56
Бөлісіңіз:
Түркиялық жастар қазақ тілін үйренуде

АЛМАТЫ. ҚазАқпарат - Түркияның Гиресун университетінде Еуразия зерттеулері магистратура бағдарламасында биылдан бастап қазақ тілі пәні оқытыла бастады, деп хабарлайды ҚазАқпарат тілшісі.

Аталған пәнді енгізудегі басты мақсат - Қазақстанның тілін және мәдениетін білетін зерттеушілер мен келешек дипломаттарын тәрбиелеу болып отыр. Жақында Гиресун университетінде ұйымдастырылған бағдарламаға Түркиядағы ҚР Елшісі Абзал Сапарбекұлы арнайы қатысып, қазақ тілін үйреніп жүрген түркиялық жастарға қазақ тілінен дәріс оқыды. Қазақ тілі пәнін бағдарламаға профессор, доктор Нұрсұлу Четин енгізген. Ол осы пәннен студенттерге дәріс оқып жүр.

Н.Четин түрік мәдениетінен жан-жақты хабары бар және түрік тілін толық меңгерген дипломаттың Түркияға елші болып тағайындалуы қазақ халқы мен Елбасы Нұрсұлтан Назарбаевтың Түркия еліне көрсеткен құрметі екенін айтып өтті.
null

«Біз осы бағдарлама мен пәнді енгізе отырып, келешек зерттеушілер мен дипломаттарға қазақ тілі мен қазақ мәдениетін үйретіп, келешекте қазақ-түрік байланыстарының дамуына септігін тигізетін сапалы маман даярлауды мақсат етеміз», - деді профессор Нұрсұлу Четин.

Студенттердің Қазақстан туралы ойларын тыңдаған Елші Абзал Сапарбекұлы Түркияда қазақ тілі сабағының оқытылуы оны үлкен қуанышқа бөлегенін, осындай шараларға әрдайым қолдау көрсететінін және ұйымдастырылуы үшін жәрдем беретінін айтты.

Қазақ тілі сабағынан кейін Гиресунде білім алып жатқан қазақстандық студенттермен кездескен елші студенттердің өтініштері мен талаптарын тыңдады.

Біздің каналымызға жазылыңыз:

Бөлісіңіз:

Автор:

Гүлмира Ғосманәли

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT