Түркиядағы қазақстандықтар зардап шеккендерге көмек қорын ашты

None
АСТАНА. ҚазАқпарат - Түркияда тұратын қазақстандықтар жер сілкінісінен зардап шеккендерге көмек қорын ашты, деп хабарлайды ҚазАқпарат тілшісі.

Қор «Шаңырақ» мейрамханасының базасында ұйымдастырылған. Қазақстандықтар, оның ішінде мейрамхана иесі Данияр Иманбеков жиналған алғашқы қаражатқа азық-түлік өнімдерін сатып алатын болады.

Балаларға көрпе, жастық, жылы киім, жөргек, азық-түлік қажет екені айтылады.

Бұдан бұрын хабарланғандай, қазақстандық құтқарушылар Газиантеп қаласының орталығында іздеу жұмыстарын бастап кеткен.

Түркияға 41 адамнан тұратын топ барды, оның ішінде республикалық жедел-құтқару жасағының құтқарушыларынан бөлек, Апаттар медицинасы орталығының қызметкерлері де бар.


Соңғы жаңалықтар