Түркиядағы қазақ диаспорасының балалары Қазақстанда болып қайтты
Абдулхак Хамит және Газипаша атындағы мектептерінде үздік оқуымен және қоғамдық жұмыстарды атқаруда белсенділігімен көзге түскен 15 баласы мен 2 мұғалімі үшін «Балдәурен» оқу-сауықтыру санаторийінде жазғы демалыс ұйымдастырылды. Олар сауықтыру және спорт шараларына, қазақ тілін үйрену дәрістеріне қатысты, Астананың көрікті жерлерін аралады.
Аталған шара Қазақстан Республикасы тәуелсіздігінің және қазақстан-түрік қатынастарының 20-жылдығына арналған іс-шаралар шеңберінде ұйымдастырылды.
Бұл сапардың балалардың атажұртпен жақынырақ танысудағы маңызы зор болды және Қазақстанның жетістіктерін өз көздерімен көруге мүмкіндік берді.
Қазақстан-түрік қатынастарының 20 жылдық тарихында ұйымдастырылған мұндай іс-шара қазақ диаспорасының еліміз басшылығының атына білдірілген зор ризашылықпен қарсы алынды.