Түркияда Түркі мемлекеттері ұйымының екінші диаспора форумы өтіп жатыр

БУРСА. ҚазАқпарат - 28-30 наурыз аралығында ТҮРКСОЙ ұйымы жоспарға сәйкес түркі әлемінің мәдени астанасы деп жарияланған Бурса қаласында екінші диаспора форумын, екінші диаспорааралық тәжірибе алмасу бағдарламасын және Наурыз мерекесін ұйымдастырады, деп хабарлайды ҚазАқпарат.

Халықаралық шара ТР Мәдениет және туризм министрлігі – Шетелдегі түркілер және туысқан қауымдастықтар төрағасы (YTB), TDT мүше мемлекеттердің диаспорасына жауапты мекеме басшылары, жоғары лауазымды мемлекеттік қызметкерлер, ҮЕҰ өкілдері, кәсіпкерлер, ғалымдар және БАҚ-тың қатысуымен өтеді.

Аталмыш Форумға қатысатын делегация құрамында «Отандастар қоры» КЕАҚ вице-президенті Мағауия Сарбасов, «Отандастар қоры» КЕАҚ жобалар координаторы және тарих ғылымдарының докторы Қалыбек Қобландин, білім бағыты бойынша жобалар координаторы Дидар Болат, «Шетелдегі отандастарды қолдау» дерпартаменті директорының орынбасары Серік Әбдуәлиев, кәсіпкер Сырымбек Тау, Қырғыз Республикасынан үкіметтік емес ұйымдардың (ҮЕҰ) өкілі Гиулшат Асылбаева, Швециядан үкіметтік емес ұйымдар (ҮЕҰ) өкілі Мұрат Ирмиш бар.

Түркі мемлекеттері ұйымының екінші диаспора форумы диаспора саласындағы маңызды оқиғалардың бірі екенін ескерсек, осы шара YTB басшылығы мен «Отандастар» қоры арасындағы ынтымақтастықтың одан әрі нығаюына бірден-бір себеп болмақ.