+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Түркияда Қазақстанның 34 әскери қызметшісі білім алуда

2019 жылғы 19 қараша 14:21
Бөлісіңіз:
Түркияда Қазақстанның 34 әскери қызметшісі білім алуда

НҰР-СҰЛТАН. ҚазАқпарат – Түркияда Қазақстанның 34 әскери қызметшісі білім алып жатыр. Бұл туралы ҚР Қорғаныс министрінің орынбасары Тимур Дәндібаев мәлім етті, деп хабарлайды ҚазАқпарат тілішісі.

«Бұл бағыттағы шаралар ақысыз негізде жүргізіледі. Барлық шығындарды қабылдаушы тарап өзіне алады. Егер де Түркия жағы бөлген квота бойынша екіжақты ынтымақтастық аясында оқытсақ, онда барлық шығындарды түріктер өтейді. Сонымен қатар, Түркия курсанттарын біз оқытсақ, онда оқыту пен тұғылық жеріне қатысты шығындарды Қазақстан жағы өз мойнына алады», - деді Т. Дәндібаев Сенатта тілшілер сауалына жауап бере отырып.

Осы орайда ол бүгінде Қазақстанда әскери оқу орындары қамтымаған бірқатар мамандықтар бар екенін атап өтті.

«Бұл тұрғыда теңіз ісі саласындағы мамандар, құрлықтағы әскердің кейбір мамандары, яғни елімізде дайындалмай жүрген тапшы мамандықтарды оқытады. Біз қажетті мамандарды серіктестерімізде оқытуға тырысудамыз. Осы орайда Түркия біз үшін негізгі серіктестірдің бірі болып отыр», - деді Қорғаныс министрінің орынбасары.

Биыл Түркияға мамандар киберқауіпсіздік бойынша магистратурада оқуға жіберілген. Сонымен қатар, әскери-теңіз күштеріне, құрлық әскерлері, авиацияға қатысты қызметшілер бағытталып келеді.

«Биыл Түркияда 34 әскери қызметші білім алып жатыр. Олардың жиырмасы курсант, 14-і офицер. Офицерлер әскери академияларда оқытылуда», - деп нақтылады ол.

Белгілі болғандай, ағымдағы жылы Түркия алғаш рет Қазақстандағы жоғары оқу орындарына әскерилерін біліктілігін жетілдіруге жіберген. 16 әскери қызметші Ұлттық қорғаныс университетінде білім алуда.

Бұдан бұрын хабарланғандай, бүгін ҚР Парламенті Сенаты Халықаралық қатынастар, қорғаныс және қауіпсіздік комитетінің кеңейтілген отырысында «Қазақстан Үкіметі мен Түркия Үкіметі арасындағы әскери ынтымақтастық туралы келісімді ратификациялау туралы» заң жобасы қаралды.

Келісім әскери даярлық пен оқытуды қоса алғанда, бұдан бұрын қамтылмаған бірлескен оқу-жаттығуларды өткізу, әуе кеңістігі арқылы әскери мүліктің транзиті, медициналық көмек көрсету, заң құзыреттілігі, сондай-ақ басқа да мәселелерді көздейді.

Біздің каналымызға жазылыңыз:

Басты сөздер: Сенат, Білім, Түркия, Әскер,
Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT