22:15, 16 Маусым 2019 | GMT +6
Түркияда әуе шарлары фестивалі өтеді
НЕВШЕХИР. ҚазАқпарат - Түркиядағы туризм орталықтарының бірі саналатын Каппадокияда осы жазда алғаш рет халықаралық әуе шарлары фестивалі өтеді, деп хабарлайды Анадолы агенттігі Ургуп қаласы муниципалитеті әкімшілігіне сілтеме жасап.
Бұл іс-шара Pasha Balloons компаниясының қолдауымен 3-7 шілде аралығында болады.
Фестиваль аясында Каппадокия аспанына 150-ден астам әуе шары көтеріледі.
Айта кетсек, фестиваль бағдарламасы Грузия халық ансамблінің өнер көрсетуімен басталғалы отыр.
Сондай-ақ Түркия аспанында АҚШ, Испания, Польша, Швейцария, Индонезия, Ұлыбритания, Словакия, Франция, Нидерланд, Жапония және Мексика командалары өздерінің кәсіби біліктілігін паш етеді.