Түркияда 3 мың жыл бұрынғы ежелгі ғибадатхана табылды

ЫСТАНБҰЛ. ҚазАқпарат  - Түркияда Шанлыурфа провинциясының Сиверек ауданына қарасты Башбюк елді мекенінің шет жағынан ежелгі ғибадатхана табылды, деп хабарлайды Анадолы агенттігі.

Археологтар бұл ғибадатхананы үш мың жыл бұрын, Жаңа ассирия патшалығы кезеңінде салынған құрылыстардың біріне жатқызды.

Ғибадатхана табылған жердегі қазба жұмыстарын Шанлыурфа музейлері басқармасының мамандары жүргізіп жатыр.