19:07, 07 Қаңтар 2019 | GMT +6
Түркия жағалауында Әзербайжан, Украина азаматтары мінген кеме суға кетті
АНКАРА. ҚазАқпарат - Түркияда, Қара теңіз жағалауында, Самсун қаласының маңында Панама мемлекетінің туымен кетіп бара жатқан көмір тасымалдаушы кеме суға батып кетті, деп хабарлайды Анадолу агенттігі.
Кемеде 13 адам болған. Олардың 9-ы Укрина, екеуі Әзербайжан, тағы екеуі Ресей азаматтары. 6 адам қайтыс болып, 7 адам құтқарылып жергілікті ауруханаға жеткізілді.
Алайда Ресейдің Түркиядағы елшілігі кемеде ол елдің азаматтары болмағандығын жария етті. ТАСС агентігінің жазуынша, кемеде 11 Украина және 2 Әзербайжан азаматы ғана болған.
Құтқару жұмыстарына қайық пен тікұшақ жұмылдырылды.