22:28, 17 Мамыр 2023 | GMT +6
Түркия парламенті 63,49% жаңаланды
АНКАРА. АНАДОЛЫ. ҚазАқпарат – 14 мамыр күні Түркияда өткен сайлаудың алдын ала нәтижесі бойынша 28-інші шақырылымдағы парламентке жүздеген жаңа есім енді. ҚазАқпарат бұл туралы Анадолу-ға сілтеме жасап хабарлайды.
600 депутаттың 335-і мандатты алғаш алады. Сондай-ақ 46 халық қалаулысы – парламенттің 27-інші шақырылымына дейін депутат болғандар.
Осылайша, тарқатылған 27-інші шақырылымда депутат болмаған 381 адам жаңа парламентке еніп отыр. Қайта сайланғандар – 219 адам. Яғни парламент 63,49 пайызға жаңарды.
Еске салайық, 14 мамырда Түркияда президент және парламент сайлауы өтті.
Президент сайлауының екінші кезеңі 28 мамырға белгіленді.