+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Түркия мен Ресей Таулы Қарабақ бойынша бірлескен орталық туралы хаттамаға қол қойды

2020 жылғы 1 желтоқсан 22:13
Бөлісіңіз:
Түркия мен Ресей Таулы Қарабақ бойынша бірлескен орталық туралы хаттамаға қол қойды

АНКАРА-МӘСКЕУ. АНАДОЛЫ-ТАСС-ҚазАқпарат - Таулы Қарабақтағы атысты тоқтату режимінің мониторингі негізіндегі Бірлескен бақылау орталығы қызметінің техникалық аспектілеріне сай Ресей тарапы жүргізген келіссөздердің қорытындысы бойынша тиісті хаттамаға қол қойылды, деп хабарлайды ҚазАқпарат Анадолы түрік ақпарат агенттігіне сілтеме жасап.

Ұқсас жаңалықтар
Мәскеуге жеткізілген 10 миллионға жуық медициналық қолғап қолданылған болып шықты Түркістан облысында 4 мыңнан астам жас әскерге аттанды Моңғолияда тас және қола дәуірінің жәдігерлері табылды

Бұл туралы бүгін Түркияның Ұлттық қорғаныс министрлігінің Twitter парақшасында жазылды. Хаттамада Қарабақ бойынша Бірлескен Орталықтың негіздері мен принциптері жазылған. Түркия мен Ресейдің Біріккен орталығының жұмысын бастау үшін қажетті шаралар атқарылып жатыр.

Бірлескен бақылау орталығын құру туралы келісімге 11 қарашада Түркия мен Ресейдің қорғаныс ведомстволарының басшылары Хулуси Акар мен Сергей Шойгу қол қойды. Әр елден Таулы Қарабақтағы атысты тоқтату режимін бақылау бойынша Бірлескен орталық қызметкерлерінің саны тең болады. Бұл туралы сейсенбіде Ресей қорғаныс министрлігінің ресми өкілі Игорь Конашенков мәлімдеді, деп жазады ТАСС.

Оның айтуынша, аталған орталық Әзербайжан аймағында орналасады.

«Орталықта жұмыс істейтін Ресей және Түркия сарбаздарының саны тең болады», - дейді әскери ведомстваның ресми өкілі.

Конашенковтың айтуынша, Ресейдің бітімгершілік контингентінің әскери қызметшілері Степанакерттегі Зорге көшесі және Шуша - Лисогорский бағытындағы газ құбыры мен электр жеткізу желісін жарылғыш заттардан тазартқанын айтты.

«Бір тәулік ішінде 5 гектардан астам аумақ, екі шақырым жол тазартылып, 109 жарылғыш зат табылды және олар арнайы жабдықталған полигонға жеткізіліп, жойылды», - дейді ол.

Сондай-ақ, ол Таулы Қарабақтағы инженерлік бөлімдер 34 гектардан астам жер, 12 шақырымға жуық жолды тазарқанын, 110-нан астам үй мен әлеуметтік нысандар тексеріліп, 1077 жарылғыш зат табылып, залалсыздандырылғанын айтты.

Сонымен қатар, Ресейдің бітімгершілік күштері Таулы Қарабақтағы маңызды инженерлік коммуникацияларды қалпына келтіруде жөндеу бригадаларына көмек көрсетуде, ал Ресейдің қорғаныс министрлігінің арнайы мақсаттағы медициналық бөлімшесінің әскери дәрігер-мамандарының тобы мамандандырылған медициналық көмек көрсетеді. Ресейдің бітімгершілік күштері мен Халықаралық Қызыл Крест комитетінің үйлестіруімен құрбан болғандардың денелерін іздеу және алмасу жұмыстары жалғасуда.


Біздің каналымызға жазылыңыз:

Бөлісіңіз:

Автор:

Зарина Қаһарман

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT