+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Түркия мен Ресей Идлибте атыстың тоқтатылатынын мәлім етті

2020 жылғы 6 наурыз 02:23
Бөлісіңіз:
Түркия мен Ресей Идлибте атыстың тоқтатылатынын мәлім етті

МӘСКЕУ. ҚазАқпарат – 6 наурызда түн ортасынан бастап Идлиб провинциясындағы атыс тоқтатылады, деп хабарлайды «ҚазАқпарат» ХАА.

Анадолу агенттігінің хабарлауынша, Түркия президенті Режеп Тайып Ердоған РФ президенті Владимир Путинмен бірге осы мәселеге қатысты өткен келіссөз қорытындысына арналған баспасөз мәслихатында «бүгін түнде 00:01-ден бастап Сирияның Идлиб қаласында атысты тоқтату режімі күшіне енеді» деп мәлімдеді.

Түркия мемлекеті басшысының айтуынша, Идлиб деэскалация аймағының мәртебесін ауыстыру қажеттілігі туындаған.

«Түрік әскерилерінің қаза табуына жол берілген қайғылы оқиғалардан соң Идлиб деэскалация аймағының жаңа кво-мәртебесін қалыптастырылуы сөзсіз», - деді Ердоған.

Оның айтуынша, Түркия мен Ресей қысқа уақытта атыстың тоқтатылуын қамтамасыз етеді, одан соң тараптар келіскен басқа да қадамдар жасалады.

ТАСС агенттігінің хабарлауынша, Ердоған Түркия Сирия әскерилерінің әрекетіне қарсы жауап беруге құқылы деп мәлімдеген.

«Режімнің (Сирия президенті Башар Асад) тарапынан жасалған кез-келген шабуылға Түркия өз күштерімен қарсы жауап беру құқығын таңдайды», - деді түрік елінің басшысы.

Ол «Анкара сириялық босқындардың отанына қайтуы мәселесінде жәрдемдеседі» деп уәде берді.

Еске сала кетсек, Идлиб провинциясының Сириядағы төрт деэскалация аймағының қатарына енгені жөніндегі меморандумға 2017 жылы мамыр айында Ресей, Түркия, Иран қол қойған болатын. 2018 жылы қыркүйекте Сочи қаласында Ресей мен Түркия президенттері осы провинцияда Сирия үкіметі және оппозициясы әскерінің жанасатын шекарасы бойында 15-20 шақырымда демилитаризация аймағын құру жөнінде келісті.

27 ақпанда сириялық әскердің шабуылынан соң 36 түрік әскери қызметшісінің қаза тауып, Идлибте жағдай шиеленісіп кетті. Сол күні Анкара Сириядағы «Көктемгі қалқан» аталған жаңа операцияны бастады.


Біздің каналымызға жазылыңыз:

Бөлісіңіз:

Автор:

Жәнібек Амангелді

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT