Түркістандықтар Конституция күнін атап өтті

None
None
ТҮРКІСТАН. ҚазАқпарат - Түркістандағы Қ.А.Ясауи атындағы Халықаралық қазақ-түрік университетінің Мәдениет орталығында ҚР Конституция күніне арналған «Тәуелсіздік тірегі - Ата заң» атты салтанатты іс-шара өтті, деп хабарлайды ҚазАқпарат облыс әкімінің баспасөз қызметіне сілтеме жасап.

Жиынға облыс әкімінің орынбасарлары, облыстық мәслихат депутаттары, облыстық басқарма басшылары мен қызметкерлері, құқық қорғау органдарының басшылары, ардагерлер мен зиялы қауым өкілдері, ҮЕҰ мүшелері, Түркістан қаласының тұрғындары, студент жастар, БАҚ өкілдері қатысты. Шараға қатысқан облыс әкімі Шөкеев Өмірзақ түркістандықтарды айтулы мерекемен құттықтады.


«Биылғы жыл Ата Заңымыздың қабылданып, қолданысқа енгеніне 24 жыл толып отыр. Осы жылдар ішінде біз барынша қуатты, экономикалық даму үдерісін алға қойған, саяси тұрақты мемлекет құруда орасан зор жетістікке қол жеткіздік. Ендеше оның маңыздылығын арттыру, Ата Заңның аясында аянбай еңбек ету – мемлекеттің қарыштауына қосқан үлесіміз болып табылады.

Барлықтарыңызды айтулы мерекемен құттықтай отырып, еңбектеріңізге – жеміс, жанұяларыңызға жақсылық тілеймін!»- деді Өмірзақ Естайұлы.


Сондай-ақ, шарада облыста еңбегімен үздік атанған қызметкерлерге алғыс хаттар мен грамоталар тапсырды.



Мерекелік жиында Түркістан облысының Ш.Қалдаяқов атындағы облыстық филармония, облыстық опера және балет театрының әншілері, «Сүгір» атындағы қазақ ұлт аспаптар оркестрі, «Тұмар», «Қазына», «Бисұлтан» би ансамбльдері өнер көрсетті.



Соңғы жаңалықтар