+7 (701) 759 90 19
USD 397.56 EUR 445.94
RUB 5.82 CNY 55.96
Jańalyqtar

Түркістандық жастар тіл жанашырларымен кездесті

2020 жылғы 12 наурыз 22:44
Бөлісіңіз:
Түркістандық жастар тіл жанашырларымен кездесті

ТҮРКІСТАН. ҚазАқпарат – Түркістандық жастар тіл жанашырларымен кездестті, деп хабарлайды өңірлік коммуникация қызметіне сілтеме жасап.

Түркістан облыстық Қоғамдық даму басқармасының ұйымдастырумен Жастар ресурстық орталығында «Ахыска» түрік этно-мәдени орталығы« қоғамдық бірлестігінің мүшесі Әскер Пириев, CTS компаниясының баспасөз хатшысы Оксана Лоскутова, «Lingva TEN« тіл орталығының жетекшісі, дәрігер-полиглот Владислав Тен түркістандық өрендермен арнайы кездесті.

Еркін форматтағы бұл шараға қала аумағындағы белсенді жастар мен жастар орталығының мамандары қатысты. Үштілділік саясаттың озық мақсаттарын алға тартқан қонақтар бүгінгі буынға ағылшын тілін үйренудің қыр-сырын түсіндірді. Шеберлік сабағы барысында жас буын өкілдері шет тілін меңгеру алдымен өзіміз үшін, сосын еліміз үшін пайдасы мол деген түсінікте екендерін жеткізді.

«Өзге тілдің бәрін біл, өз тіліңді құрметте» деген ұстанымда өткен жиын барысында жастар қонақтардан көкейде жүрген сұрақтарына жауап ала алды. Ұлты орыс болса да, қазақ тілін жетік меңгерген тіл маманы Оксана Лоскутова: «Қазақ тілінің тарихы мен сөздік қоры өте бай. Сырттан қарағанда қиын тіл болып көрінгенімен, үйренуге жеңіл, сөйлесуге жағымды тіл» ,- деп өз ойын жеткізді.

«Ағылшын тілі - бүгінгі күннің басты талабы. Сондықтан оны білу арқылы болашағымызға даңғыл жол ашамыз. Әлемнің кез-келген еліне барып, ағылшын тілі арқылы тілдесіп кете беруге болады. Жаңа облыс орталығының болашағы мен келешегі сендердің қолдарыңда, сол үшін ең алдымен көп тіл білуге ұмтылыңдар»,- деп Әскер Пириев Түркістан облысының жастарымен өзінің өмірлік тәжірибесімен бөлісті.

Басқосудың соңы жастардың көңілді отырысымен аяқталды. Гитарамен ән салып, Абайдың әндерін шырқады. Түркістан облысының белсенді жастары тіл жанашырларымен өткен кездесуден соң, үлкен мотивация алып тарқасты.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT